Te Wi-Fi n te aobiti ao n te mwenga a kaai ni kabongana te rabakau ae e boou ae e titebo (802.11). Iai kanganga aika a kabuta ao a bon tatannako ma aron rotakiia iai. Ko kona n kamanoko man kanganga man kabonganan tabeua taian anga aika a bebete aikai.
Kanganga
Ngkana e aki maono raoi am wireless hub/router, a kona aomata ke tabo ni mwakuri aika akea kariakaia ni kaukii ngkana a mena n mwaaken te network. A kona n karekei bwaai aikai:
- Rongorongo aika a riai ni karabaki ke a kakawaki aika ko kanakoi ke n butimwaei iaon te intanete a kona n totokoaki, ao a kona n nooraki ao ni karekei kanganga aika a kakaokoro.
- Kabonganakin am bandwidth ma te intanete – are e a roota birin te intanete iaon am kombiuta ao am bwai n itoman riki tabeua.
- Kabonganakin am data are e tia n katauaki mwaitina ibukin te download, are ko a tia n kaboa man am internet service provider (ISP).
- Anakin bwaai aika a kamatauninga man te intanete, aika a kona n noraki mwiia n am address ao tiaki ana address te tia kabongana buaka te bwai n mwakuri.
Wireless networking ae mano
- A bane ni kona n totokoaki rinanin nako kanganga ni kabane aika a taekinaki mai mwaina man ti kamanoan raoi am wireless hub/router. Ngkana ko kan kakoaua bwa a mano raoi am bwai, kakaei taian wireless networks aika a tauraoi, bwa e na oti tamnein te roka n aika a mano.
- Ngkana ko moan katoma te kombiuta, smartphone, tablet, printer ke tabeua riki bwai n mwakuri aika a toma ma te wireless hub/router, ko na tuangaki bwa ko na karina te password/key, ngkana e mano raoi te network.
- Aio are e na katoma te bwai n mwakuri ibukin kabonganakina ngkai ao nakon taai aika a na roko. Ko na riai n ibita te password/key nakon oin am rinerine imwain ae ko kabongana te Wi-Fi ibukin te reitaki ke karaimwane aika a riai ni karabaaki.
- Ngkana ko moan katauraoa am hub/router ae e boou, e bae ni kaman kamaiuaki ana security ae e iri ma ngaia.
- Iai teniua rinanin te encryption aika a tauraoi (WEP, WPA and WPAZ), te moan korakora bon WPAZ. Angin taian hubs/routers a anganiko am tai n rinea ae te kabanea ni korakora, ma uringnga are a kona tabeua bwai n itoman aika a aki boou n aki botau korakoraia ma ngaiia.
- Ngkana arona bwa ko kan toma ma am wireless hub/router/dongle n mwengam/aobiti/tareboon ae e aki mano raoi, karekea buokam man te user manual.
- Taraia raoi bwa e tikiraoi ao n kabouaki am internet security software ao am firewall imwain ae ko toma ma te wireless network.
- Kawakina raoi ana codes am Wi-Fi bwa a aonga n aki kona n toma aomata aika akea kariakaia.
- Uringnga are te access code e bon bae n mwakoro iaon te hub/router, ngaia are kawakinna raoi ke kanakoa bwa e aonga n aki kona n kabonganaki irouia aomata are a na kimoa n rinnako ke aomata aika ko aki kinaia aika a kawara am tabo.