Kanganga
- Tiaki nanom ke bon nanom n download te malware
- Ko rotaki n ana waaki te social engineering
- Karaoan ao boutokaan te waaki n iraa.
- Rekenikai iaan karaoan mwakuri aika a tabuaki ke aki irakin nanon kainibaire ke tuan te bwaibwai.
- Noran rongorongo aika a kakawaki n akean te kariaia.
- Kaotakin rongorongo aika a kakawaki irouia tabeman n akean te kariaia.
- Kabonganan te social media n ae e aki riai
- Norakin bwaai aika a kamatauninga
- Kabonganan te download ibukin karekean bwaai bon ibukin kainnanom (kanganga ibukin boona ao te toma a te intanete)
- Kabanetai
Kakawakin karaoan te kainibaire ibukia taan mwakuri
Raoiroin aia atatai iaon kamanoan bwai ni mwakuri ao reiakinaia taan mwakuri, e kona n kauarerekea reken kabuanibwai, ma a rang n kakawaki naba kainibaire aika a tamaroa ibukia taan mwakuri ibukina bwa e kona n kamatata bwa tera ae e raoiroi ao ae e aki.
E kabwarabwaraki n te page aio taian kanganga aika a kakawaki. Ko riai ni kakaea buokam irouia taan rabakau ibukin karaoan kainibaire ibukia taan mwakuri ao karaoan bitaki nakon aia contract. E tikiraoi naba ae ko karekea buokam ibukin kabwarabwaran kainibaire aika boou nakoia taan mwakuri ao n kairia ma te angareirei.
Bwaai aika a Kairaki n te Acceptable Usage Policy
- Ngkana e riai ao ningai kabonganan te intanete ibukin oin kainnanom.
- Tera kanoan te intanete ae katabuakaki.
- E kanga aron kabonganan rongorongo aika a taburoroko.
- Kabonganan te email n te aro ae e mano ao e riai.
- Kabonganan ao tararuan bwain te kambwana n aron laptops ao bwai n itoman.
- Tuua ibukin te toma ma ana network te kambwana mai kiraroa n te aro ae e mano ao e riai.
- Kainibaire ibukin te kabobwai ao kanimwan software, n ikotaki ma kumean aia bwai tabeman n akean te kariaia.
- Kainibaire ibukin kabonganan ao kamanoan taian passwords aika a kanganga n ataaki.
- Katabuakan tibwakin ao anakin bwaai aika iai aia copyright.
- Mwin am mwakuri n tararua aika ko karaoi, ngkana iai.
- Bwai aika a na riki ngkana ko aki ira nanon te kainibaire.
Bwaai aika a na Kairaki n te email policy
- Te kauring iaon taian emails (te katoto “Kanoan te email aei e ti kaineti nakoia naake e kanakoaki te email nakoia. Taiaoka kamauna ngkana e kuba n roko iroum n tiaki te nano…”
- Ngkana e kainanoaki ana kariaia te manatia ibukin kaukan email ao warekan kanoan te email mai tinaniku.
- Kainibaire riki tabeua, ngkana e angaraoi, aika a irekereke ma te Data Protection Act; tuua iaon te email ao te kabobwai mai kiraroa ao taian libel laws.
- Aron kabonganan rongorongo aika a taburoroko ngkana a kanakoaki n te email, ni kotaki naba ma ngkana e r oiroi kabonganan te email ibukin te reitaki ke e aki ao ngkana e na riai n kaonotaki ibukia nake iai kariakaia ni kaukia.
Katauraoan and kamwakuran te kainibaire
- Ataakin taian kanganga
- Karaoan taian maroro aika a riai iaon kainibaire aika a na taraia raoi bwa e karaoaki raoi nanon kainibaire n te mwakuri ao a kaineti raoi ma tuua.
- Ngkana e riai, kangaraoa te kainibaire ma am bitineti ma tiaki kareeana.
- Karekea te baeranti n te mwakuri, onimakinaia aomata ao te tararua.
- Ngkana ko kabongana te off-the shelf policy, taraia raoi bwa e botau raoi ma kainnanom ao e matata raoi.
- Ko kona n ibitia ao ni katonua ke n kabwarabwara ngkana e riai.
- Karini tuua aika a boou n aia boki taan mwakuri, n aia burokuraem ibukin kateirakeaia taan mwakuri aika a boou, ao iaon ana intranet te kambwana ngkana e riai.
- Taraia raoi bwa e boraoi ma tuua, aia contracts taan mwakuri ao tabeua riki kainibaire n aron te aki kakaokoroaki.
- Kabuta nako te kainibaire ngkana e a tia ao taraia raoi bwa e na kakai reke irouia aomata.
- E na riai temanna man te kambwana n katabeaki ibukin kamwakuran ao tararuan te kainibaire.
- Rinanon raoi te kainibaire n taainako bwa ko na taraia raoi bwa e kakabouaki ao n boongana.
Rongorongo riki tabeua
Nooria ao download te katoto Acceptable Usage Policy