Kanganga
- Taan mwakuri ao / ke taan mwakuri aika a tangoaki a kabongana mwanen te kambwana ibukin kabwaiaia. Te katoto:
- Otanakin bwaai bon ibukiia
- Karaoakin te oota ae tabunnako ibukin tangiran te mwane n raka ma iroun te supplier
- Kabooakin mwakuri aika akea rabwataia ibukin tangiran te mwane n raka n te aro ni babaka n ikawai.
- Te boraraoi iaon karakaan boon bwaai ibukin tangiran te mwane n raka n te aro ni babaka n ikawai.
- A kabongana aran am kambwana taan iraa ibukin karaoan ana account te bitineti ao a butimwaei kabobwai aika a bon aki karaoi.
- A kabonganaa am website taan iraa ao ni karaai taian ota nakon aia server.
- A baka n riki taan iraa bwa mataniwin te kambwana, ao a manga ibita te mataniwi ao ana address te bitineti.
- Iraeakin rongorongon te kambwana, araia taan mwakuri, rongorongon taian bank account ao rongorongo riki aika a kakawaki irouia aomata aika a rinanon ana maange te bitineti.
- A kaboaki bwaai man te account ae e aki koaua ke te credit card ae e kimoaki.
- Karaoan te kabomwi imwiin aia kewe taan bobwai bwa aongkoa a roko bwaai aika a aki botau ma aia kantaninga, ke a bon aki roko.
- A oneaki mwiin bwaai ake ko kanakoi n bwaai aika a aki koaua
- Karaoan phising, vishing ao tabeua riki social engineering aika a kairoroko ke raom ni mwakuri bwa kam na kaoti rongorongo aika taburoroko ibukin boutokan te mwakuri n iraa.
- A kamwaingaki taan kabongana am website nakon te website ae e kuri n titebo ana address ma bon te website ae e kewe (te katoto, kaburean te koroboki).
- Iraeakin taian ID pass, password ao rongorongo aika a taburoroko irouia taan mwakuri aika a kewe.
Tararua am botaki ni mwakuri
- Tuoa n taainako am bank account ao tauan mwiin am kambwana ibukin bwaai aika a raka aika ko aki kantaningai.
- Tuoa raoi mwiin te bobwai n am bank account ao n ana credit card te kambwana n taainako.
- Kaungaiia am taan mwakuri, taan bobwai, taan kabonakoi bwaai ao am itabon bwa a na ribotinii bwaai aika a aki kantanigaki.
- Kamatairikiko nakon taian domain aika a boou aika titebo ma am bwai.
- Register aran am kambwana aika a kakaokoro ao e bure koreaia.
- Raeraei bebwa aika a kakawaki kanoaia imwain karenakoaia.
- Karaoi kainibaire ao taian waaki ibukia taan mwakuri aika a kona n otani bwaai ibukin te kambwana. Kabong na te bwai n bobwai ae e onimakinaki.
- Karekei rongorongoia am taan mwakuri aika a boou ao aika a tangoaki ao karaoa te tutuo i aoia.
- Tuoia raoi taan bobwai aika a boou bwa e na akea aia tarau ao noria bwa e eti aia contact
- Kakaonimaki n rinanoi bubuti ibukin kaboan mwiin aia mwane.
- Bairea tian mwaitin te katarau.
- Bairea tian mwaitin te bumwane, karaimwane ao kabwakamwane man taian bank account. Karekeia uoman taan tiaina ibukin te bumwane, karaimwane ao kabwakamwane, n aekakin are e kakaraoaki n tiaainaki taian cheque irouia uoman aomata.
- Ibukia taan bobwai aika a aki kinaki ao akea mwiin aia bobwai, katereterea nakoia ae e na riai moa ni bwanin te kabwakamwane imwain ae a kanakoaki bwaai nakoia ke a karaoaki mwakuri ibukiia.
- Tuoia raoi am suppliers ao am itabon aika a boou bwa e na akea aia tarau ao noria bwa e eti aia contact
- Ngkana ko kabonakoi bwaai online, noora moa raoi koauaia am customers rinanon te Address Verification
- Service, ke Verified by Visa / MasterCard SecureCode. A mwaiti bitineti aika a kona ni karaoi tutuo aikai.
- Taraia raoi bwa e nakoraoi kamanoan am kombiuta, n aron ae a tia ni kabouaki ao ni kamaiuaki ana antivirus/antispyware software ao firewalls, kakabouaki ana software ao ai kabonganakin taian password aika a kanganga ataakia ao aika a kaineti nakoim. Aio are e na kona n totokoi kanganga aika a na reke man kabonganan te intanete.
Ngkana e a tia am botaki ni mwakuri n rotaki ke ni kataaki n te mwakuri n iraa
- Ribotina nakoia bureitiman.
- Waekoa n totokoa ana urubwai te mwakuri n iraa, e ngae ngkana e kanamakinaki bwa e bon karaoaki inanoa ke mai tinaniku.
- Ngkana e karaoaki te mwakuri n iraa nakon am bank account, reitaki ma am bangke n te tai ae e waekoa.