Kanganga
- Iai ae e reitaki nakon am bitineti ae aongkoa temanna te supplier ao e tuatua karaoan te bitaki nakon tein te kabwakamwane (n aron te direct debit, standing order ke bank transfer) nakon aia bank account ae e boou. Ko aki kanamakina te kairua aio ni karokoa ae e a reitaki are bon am supplier ni koaua bwa e tuai n roko am kabwakamwane n te namwakaina, ke a tuai n roko bwaai ke e tuai ni karaoaki te mwakuri.
- E roko iroum te email, te reta ke te tareboon mai iroun te botaki ni mwakuri teuana (n aron publishing, information services ke subscription), ibukin karaoan te bitaki nakon rongorongon te bank account are ko kakabwakamwane nako iai. Ko aki kanamakina te mwakuri n iraa aio ni karokoa ae e a toki rokon bwaai ke karaoan mwakuri ake ko a tia ni boraraoi ibukia, n ikotaki ma mwakuri iaon te intanete n aron taian information resource ao news feed.
- E rinnako te tia iraa n am online bank account n akea te kariaiakaki ao e ibiti rongorongon te kabwakamwane bwa e aonga n karaiaki te mwane nakon ana account te tia iraa.
Kamanoa am bitineti man te mandate fraud
- Kakoauai raoi n taainako bubuti aika a roko ibukin bitakin rongorongon te kabwakamwane nakon te botaki ni mwakuri aika a kabonganai taian contact aika a tauaki mwiia.
- Ngkana ko nanououa n te tareboon ae e roko, tiringnga ao reitaki ma te botaki ni mwakuri anne n ana contact aika a tauaki mwiia.
- Tai kakatikui taian invoice, rongorongon kabwakamwane aika a kakaraoaki ke rongorongo aika a kakawaki bwa tokina a noria tabeman.
- Rinanoi raoi mwiin taian bobwai n am bank account ao ribotini bwaai aika ko nanououa iai nakon am bangke.
- Taraia raoi bwa raom ni mwakuri, moarara riki naake a katabeaki ma te mwane, a atai kanganga aikai.
Ngkana ko kanamakinna bwa ko a tia n rotaki ke ni kataaki n te mandate fraud
- Reitaki ma am bangke n te tai ae waekoa ngkana ko nora te mwakuri ae e aki kantaningaki n am account ke ko kanamakinna bwa e a tia ni karaoaki te mandate fraud.
- Reitaki nakon te botaki ni mwakuri are e kairekerekeaki ma te mwakuri n iraa.
- Ngkana e a tia ni karaoaki te mwakuri n iraa, ribotinna nakoia bureitiman.