Te moan mwaneka bon ataakin ana mwakuri am bitineti (kabongana te process ae kinaaki n arana ae ‘Business Impact Analysis’) ao kanganga aika a irekereke ma butin te bitineti – ao karaoan aanga ibukin totokoan kanganga bwa e na teimatoa ana waaki te bitineti inanon tain te kanganga are e a kona n roota butin te bitineti.
Bwaai aika a na rinanoaki ibukin karaoan te kainibaire ibukin butiraoin te bitineti:
- Totokoan te rinnako
- A nako taan mwakuri aika a kakawaki
- A nako suppliers aika a kakawaki
- Buan systems aika a kakawaki
Man karaoan te Business Impact Analysis ao e na reke te ‘Recovery Time Objective’ (maanra ao tera te rinan are e na okira iai arona ana waaki te bitineti imwin reken te kanganga) bwa e aonga n totokoi kanganga aika a aki riai.
A riai taian IT systems n karaoaki n te aro ae a na teimatoa ao n tauraoi n tobwai kainanon te bitineti ao te Recovery Time Objective.
Ngkana iai te mwakuri ae e kainanoaki bwa e na tatauraoi 24×7, e na riai te waaki are e boutoka te mwakuri aio ni kona n tobwaa te kainano anne. Te katoto teuana, ana website te kambwana are a kona ni bobwai mai iai aomata, e na riai n tauraoi 24×7 ao ni kona ni kaitarai kanganga aika a kona n riki.
E ngae n anne, iai tabeua systems aika a kona n aki tauraoi inanon tabeua te aoa imwain ae e a rootaki ana kareke mwane te bitineti ke kabaeana n te tua ke n te mwane.
Tabeua systems a na rang kainnanoaki aia mwakuri n taai tabeua ao tiaki ake tabeua (n aron te waaki ni kabwakabwai).
Taian IT systems (n aron taian servers ao telecoms infrastructure) ibukin botaki ni mwakuri aika a bubura a kona ni kawakinaki n taian datacentres.
A karekeaki katoton taian datacentres n te aro are ngkana iai te kanganga nakon teuana te datacentre, a kamwaingaki naba systems i bon irouia (e aranaki aei bwa ‘failover’) nakon are teuana (taobaran kanganga).
A na riai datacentres ni mena n taabo aika a raroa i marenaia bwa aonga n uaia n aki rootaki n teuana te tai ngkana iai te kabuanibwai. E na riai ni kakaraoaki tuoan te failover n taainako, ibukia systems aika a rang ni kakawaki ao bon te datacentre ae e bwanin ngkana e angaraoi.
E na riai ni karaoaki te backup nakon taian systems ibukin totokoan kanganga n irekereke ma buan ke uruakin taian data.
E baireaki kaokiokan karaoan te backup man te ‘Recovery Point Objective’ – e bairea manin te tai mai i eta are e na kona iai ni bua te data man te IT service ngkana iai te kabuanibwai ae e bubura.
E bairea te Recovery Point Objective mwaitin te tai are a kona taian systems architects ni kataua maniia ni mwakuri. Te katoto, ngkana e baireaki bwa 4 te aoa manina, e na riai n reitinako karaoan taian offsite backups – e aki tau karaoan te offsite backup i aon te teibi.
Ibukia kambwana aika a uarereke aika a aki kabongana ana services te datacentre, a na riai ni kawakinaki taian backups n taabo aika a raroa ma te tabo ni mwakuri ao ni kawakinaki n te tabo ae e aki kona urarake.
E baireaki maanin kawakinakin taian backups man kainanon te bitineti, ke n tabetai man te tua.
A riai n tuoaki taian backups bwa a mwakuri raoi ao a na riai naba backups ake bwaai n kataitai n kaokaki n aroia n taainako bwa e aonga ni kona ni warekaki raoi te data.