Te iteraniba aio e katerei tabeua tua ma kairiri aika a rang kakabonganaki n taabo ni mwakuri ike ana taan mwakuri a kona n urui ke ni kainnanoi kamanomano nakoia bwa mwin ae e aki tau aia atatai ke aia mwakuri n tararua.
Kawakinan te Data
Aio e irekereke ma rongorongoia aomata aika taan kabongana te bitineti (customers), taan mwakuri ke aomata riki tabeman n aroia aoraki ao a bati riki.
Te Tua i aon te Privacy ao te Electronic Communications
Aio e irekereke ma inaomataia taan kabongana am bitineti ao taian bitineti n rinei bwa tera reitaki aika a tangiri ke aika aki kan karekei ke n roko irouia, babairean aron kabonganan te tabo ma te data ao ai aekan nako akanne.
Aki kabonganakin raoi te Kaombiuta
Aio e kaineti ma akean te kariaia n rinnakoi computer systems n ikotaki ma ninian kaombiuta n akea te kariaia (hacking).
Tuan te Boraraoi
Aio e irekereke ma katabeam i an te boraraoi imarenan te tabo ni mwakuri ma/ke temanna, ae rekereke iai rongorongo aika riai n aki ataki, etin taabo aika kawakinaki iai ao tararuan te data ao aekaki nako akanne.
Te Bwaibwai ni koaua
Aio e rekereke ma katotongan ke kimoakin baika kawakinaki rinanon te tua, kanoan bwaai aika kawakinaki, baika karaoaki, taian tamnei ke bwaai aika tia ni karaoaki ke mwakuri.
Bwaai aika aki butimwaeaki
Karinan bwaai aika buakaka i nanon am device irouia taan mwakuri n aron baika a karekeaki ma n te download, kawakinan ke karaian tamnei aika a na kauniko, kakamakuko, tangako, kairiribai, ke n racist.
Te Kimoa
Mwakuri n aonikai aika karaoaki online ibukin karekean te raka n te mwane.