Te hactivist (te tia hack) bon te aomata ae e rang matoa iaon ana koaua ao man rang rabakau naba n niniia te website ke te kambwana are e kaitara ana koaua. Aio are e kona n reke n aekan tein te denial of service (DoS) (karawawatan uotan te website irouia taan ioawa are e a waeremwe iai ana service), ke tibwatibwan ana urubwai te denial of service (DDoS) are e na rotaki iai teuana te website ke website aika a mwaiti ke te taeka ni kaitara ae rang kakai noraki iaon ana home page te website.
A rang kakai rotaki riki website ke taabo n reitaki ibukia rabwata aika a bubura ke ana botaki ni mwakuri te tautaeka n te hacktivism, ma bon akea te botaki ni mwakuri ae e na aki rotaki. ‘Anonymous’ bon aia botaki taian hacktivist ae e rang kinaki n te aonnaba n taai aikai.
Kanganga
- Kamangaoan ana mwakuri am website.
- Buan te kareke mwane, kinakim ke ni kauoua.
- Boton ana waaki am botaki ni mwakuri – ke aomata aika a mwakuri iai – a kaotaki kabwakaia aika a aki rang ataaki
Kamanoa am website
Ngkana e aki tararuaaki am website iroun te kambwana riki teuana bwa ko bon tararuaia, taraia raoi bwa a mano raoi te hardware ao software:
- Kabonganai passwords aika a kanganga ataakia inanon am system. Tai katuka am password n arona ngke ko moan anganaki.
- Taraia raoi bwa e mano te server n te firewall ao internet security software aika a mwakuri raoi.
- Tutuoi raoi taian log file ibukin atakin te rinnako n akea te kariaia.
- Kabongana te software ae boou ibukin te ecommerce. Iai kabwakaia software aika mane, ae a kai rotaki irouia taan hack.
- Tai kawakini rongorongoia am customers aika a kakawaki ao rongorongon aia credit card i aon te ecommerce server ae e kakabongana te botanaomata.
- Kawakina raoi rongorongon am SSL ao kawakini n te tabo ae raba.
- Ngkana ko taku bwa e na kakai rotaki am website n ana urubwai te DoS ke DDos, kakaea ao reitaki ma te tia rabakau iaon totokoan te DDos ae iai ana atatai ao man bobonga ana bwai ni mwakuri ibukin kamanoan am bitineti.
- Kabongana te tabo ni mwakuri n aron te professional penetration testing firm bwa e na tuoa korakoran otangan am ecommerce server.
Ngkana e tararuaki am website iroun te kambwana riki teuana:
- Rinanoa aia kainibaire ibukin te kamanomano ao aia mwakuri ao aron aia waaki.
- Taraia bwa e botau aia boraraoi ibukin kabonganan aia mwakuri ma kainnanom.
- Kabongana te tabo ni mwakuri n aron te professional penetration testing firm bwa e na tuoa korakoran otangan ana server te kambwana are e tararua am website.