E rang n kakawaki bwa a na taraaki mwakuri aika a tamaroa (ao n iraki nanon kainibaire) riki ibukin kamanoan am bwai n itoman ao kawakinan rongorongo aika a kakawaki. Ngkana e aki karaoaki aio, ao e na kakai reke n te kanganga am botaki ni mwakuri… ao ai aroia naba te koraki ake ko mwakuri ni bitineti ma ngaia, ao ai naake a bane ni mena n te supply chain (te iokinibwai).
Kanganga
- Ibukin ae e a mwaiti nnen te data ni kawakinaki aika a kakaokoro, are nanona bwa e kona ni kakai rotaki teuana te rabwata ke ni kauoua ke rabwata ni kabane ake a irekereke ma ngaiia inanon te iokinibwai.
- Ngkana e tibwaki te data n te email ke n taian online access portal a kona n rotaki rabwata ni kauoua ngkana e reke te data aei irouia aomata aika akea kariaiakaia – are e a karika te iraa, iraeakin rongorongon te aomata, iraeakin rabakaun te aomata, mwakuri ni kamwane, urubwai, taumatoan te bwai, rotakin te kareke mwane, uruan te boraraoi ke te taekanabuaka
- E rikirake kakai reken te kanganga ngkai e a tabe n rawata mwaitia botaki ni mwakuri aika a ira buakon te iokinibwai.
Safe eprocurement (te kabobwai ae mano iaon te intanete)
Te bwai ae rang kakawaki ibukin te eprocurement bon kamanoan raoi am bwai n itoman ao rongorongo aika kakawaki n am botaki ni mwakuri. Ko na riai naba n uringnga are a kona naba am suppliers ni kabonganai ke n aki kabonganai waaki ao anua aika a kakaokoro ao n riai n tuoaki raoi bwa mwangan nab ate katamaroa inanon te waaki ai uana naba ma customers aika a kabobwai online iroum.
Bon tabem ngkoe ae te tia bobwai ke te tia kabonakoi bwaai bwa ko na taraia raoi bwa ko kabonganai aanga n kamanomano aika a tamaroa ibukin am bwai ni mwakuri, waaki ni mwakuri, arom ni mwakuri ao anuaia am taan mwakuri.
Ko na riai naba ni moantaai n ataa bwanin rongorongon ao rinanin te kamanomano ae e kainnanoaki (ngkana iai) n te tai are ko ira buakon te iokinibwai iai, ao n kariaia ke n boraraoi nakon are bon oin kainanom ao korakoram, ao ni ikotaki ma raom n iokinibwai. E na bae n rang n kanganga bitakin bwaai aika a kainnanoaki iaan aia boraraoi am itabon aika a bubura, ma are e na bon tatannako ma buburan ao tein am botaki ni mwakuri ao tabena n te iokinibwai.
E na kona n reke iroum te standard ae tamaroa – ao ni kona n tuoia am itabon n iokinibwai – i nanonoa ke man ana ibuobuoki te tia rabakau ma i tinaniku. Te taeka ni ibuobuoki ae e reke man te website aio e na kona ni buokiko n atai itera aika a riai n tuoaki ao n anga taian rongorongo ao ibuobuoki aika a kaineti ma itera aikai.