Kanganga
- Karokoan taian virus n am kombiuta ke am network n tiaki am kantaninga – man kabonganan taian website ao peer-to-peer file-sharing programs (te program ae kabonganaki ibukin te downloading ao file sharing)
- Katomaan te spyware are e na buokia taan kimoa n karekei rongorongo aika a rang taburoroko ibukin reken te mwane ke iraeakin rongorongon te aomata.
- Totokoan aia karekemwane taan karaoa te software ao taan kamataku.
- Uruan tuan te copyright (inaomatan te tia bwaibwai). E tabuaki katotongan te software, katangtang ao birim aika a aki kaboaki iaan tuan te copyright.E ngae ngke e rang kariri anakia.
- Ninian te firewall (te software are e totokoa rinia aomata n am kombiuta ke am network), riki ngkana ko kabonganai program ibukin te peer-to-peer file-sharing.
- Anaakin bwaai aika a kamatauninga/ke bwaai aika a tabuaki iaan te tua ke taian virus aika a karabaaki iaan bwaai tabeua.
- Karinan te adware are e kaotii katanoata aika a kamaraki nano iaon am kombiuta n tiaki am kantaninga.
Te download ae e mano
- Taraia raoi bwa e mwakuri ao man tia ni kabouaki am internet security software ao am firewall imwain ae ko download.
- Taratara raoi ngkana ko download taian executable files (.exe). A kabonganaki files aikai n taian program bwa a na mwakuri iaon am kombiuta. Ma e ngae n anne, a bon rang kakabonganaki naba ibukin uotakin taian virus.
- Kabonganai taian website n download aika a onimakinaki riki nakon taian peer-to-peer system ibukin karekean taian program.
- Taratara raoi ngkana ko download, ibukina bwa iai aomata aika a kona n aranii aia files n bwaai are a bon taku. Te bwai ae tara n ae te birim ae e boou man tamnein te sci-fi ao ngaia tiaki bwa te birim ae tangako ke te file ae e uota te virus.
- Download taian katangtang ti man taian website aika a kakaboaki n aron iTunes, Google Play ke aia website taan karikirake aika a onimakinaki.
Peer-to-peer file sharing ae e mano
- Ngkana ko na riai ni kabongana te file sharing software n am bitineti, taraia raoi bwa ko rinea te software ae mano, katoma raoi ao kabongana raoi.
- Karinii taian file sharing application ti ngkana iai am internet security software ao am firewall aika a tamaroa man tia n kabouaki.
- Iangoia ni karekea ae e premium are e aki mwanenaki n te katanoata, bwa e na kauarerekea te kanganga ae kona n reke man kabonganan te adware. Download te software ti mai irouia taan karao software ke man aia website taan kabonakoi softwares aika a kariaiakaki.
- Tai kariaia aomata bwa a na roko n am files, ao barongai raoi am program n te aro ae ko ti kona n tibwai files aika ko tangiri ao tauii n aki kaoti nikiran am files ao rongorongo aika taburoroko. Aio are e na totokoi tibwatibwakin files n tiaki am kantaninga ma aomata aika ko aki atai tabuaiakaia.
- Tai tibwai bwai aika a mena iaan tuan te copyright.
Rongorongo riki tabeua ibukin kimoakin te copyright e kona ni kuneaki n taabo aikai:
FAST: The Federation Against Software Theft. (UK site)
FACT: The Federation Against Copyright Theft. (UK site)
IFPI: International Federation of the Phonographic Industry.