E ngae ngke ko rang n onimakiniia am taan mwakuri ke raom ni mwakuri, ma e na bon kona naba n rotaki kamanoan ana bwai te kambwana aika a kakawaki man kabonganakin ae bon oin aia devices taan mwakuri.
Ni kaineti ma te data ownership, kariaiakaia taan mwakuri bwa a na karina ana data te kambwana i aon bon oin aia device, nanona bwa e a akea korakoraia n kawakini data, ni kabotauaki ma are e bon ti kabonganaki inanon te kambwana … n aron ae e mena n te network, n te cloud ke i aon ana portable device te kambwana.
E na rang ni kanganga tararuan ana device te tia mwakuri; e na kanganga ataakina bwa tera te data ae e kawakinaki iai ngkana e a bua ke e kimoaki; ao e na rang n kanganga anaakin te data ngkana e a kitana te kambwana te tia mwakuri. E kona n kanganga ae ko na encrypt personal data i aon ana device te tia mwakuri … e kona n urua tuan te Data Protection Act.
I rarikin anne, ngkana iai te kanganga n ana personal device te tia mwakuri ae e kabonganaki ibukin te mwakuri, kanga e a aki ataki bwa antai tabena karekean ao kabooan technical support.
Kanganga
- Kimoakin ana data te kambwana iroun te tia mwakuri
- Buan ke kimoakin ana data te kambwana ngkana e bua ke e kimoaki te device.
- Karinakin te malware nakon ana system te kambwana, ae karaoaki ma n te ioawa ke n tiaki nanom.
- Aki irakin ana tua ke ana kainibaire am kambwana
- Biriraken boon technical support ibukin devices aika a aki ‘ataaki’.
- E a riao kabonganaakin te data man aia download n files aika a bubura (n aron te tamnei) rinanon ana network te kambwana.
- A kabane tai taan mwakuri i aon taian websites / ni kabonganai applications i aon bon oin aia devices.
- Aki botaun te software product ke ana version.
Buokam iaon kabonganakin am personal device n te tabo ni makuri
- Iangoia raoi bwa e bon nakoraoi kabonganakin oin aia device taan mwakuri ke e aki: e na materaoi kabane mwane ao kanganga aika a na riki nakon bonganakina ibukin te bitineti?
- Ngkana ngaia, katea tuan kabonganakin aia devices taan mwakuri (aekakin te device, bukin kabonganakina ao iroun antai)
- Tuoi kanganga ao taraia raoi bwa e tau taian tua ibukin kauarerekean reken kanganga aika a kona n reke nakon te bitineti
- Iangoi bwaai aika kona n riki man te Data Protection Act.
- Taraia raoi bwa e karinaki rongorongon kabonganaakin oin aia devices taan mwakuri n tua ae te acceptable use policy – te katoto e mena n aia contract ao handbook taan mwakuri.
- Iangoa kabonganan teuana mai buakon ana management solutions te mobile device aika a tauraoi n kabonakoaki n store.