E ngae n anne, e kona n kaitaraaki raoiroin te mwakuri n bwaai n itoman ma taian kanganga aika a kona n riki – angina a riki ngkana a aikoa mwakuri bwai n itoman aikai.
Kanganga
- Buan ao iraeakin bwaai n itoman – e aki ti taraaki karekean onean mwina ma e taraaki naba te bwai ae e kona n riki nakon te data i aon te device.
- Malware – Ninian tiaki tii te bwai n itoman ma bwaai n itoman riki tabeua aika a toma ma ngaia (n aron te email) ao bon am IT infrastructure ae bwanin ao kamanoan ana waaki ao ana karaai mwane am bitineti. Aio e kona n reke man karaoan te download n taian emails aika a kewe, kawaran websites aika a tia n rotaki ke karaoan te download n taian apps aika a tia rotaki.
- E rootaki kamanoan te network ibukin te botanaomata man kabonganaakin te Wi-Fi ae e aki mano, ke a irae aomata n tara te bwai ae ko karaoia ke a karaoia am taan mwakuri.
- E rotaki kamanoan bwaai ngkana e aki karenakoaki raoi te device. Aikai a kona n karekei kanganga aika a mw iti n aron te makuri n kimoa ae kakaokoro, iraeakin kinaakim, kimoakin te data, rotakin kamanoan te tia mwakuri, buan onimakinam, uruan tuan kabonganan te data ao te kareke mwane n te ioawa ke taumatoaan te kabwaka mwane mai iroun (te kambwana ke te aomata).
Buokam i aon kabonganaan bwaai n itoman
- Katabeia aomata ake a kakabonganai ana bwai n itoman te kambwana (ke ae e kariaiakaki ni kabongana oin aia bwai n itoman) bwa a na bon ataa etin raoi anuaia ao aia mwakuri.
- Karina aron kabonganan ana bwai n itoman te bitineti, n ana handbook te kambwana.
- Taraia raoi bwa a rokanaki bwai n itoman ni kabane n te PIN, ae e kanganga ataakina ao e na ti ataia te aomata are tabena bwai itoman aikai (ma a ti uki nakon te tia ibuobuoki n te IT ao te tia bwaibwai n te bitineti).
- Taraia raoi bwa a kamanoaki bwaai n itoman ni kabane n te internet security app ae e kinaaki, bwa e na kakabouaki ngkana e kamaiuaki ao n tauraoi n tainako.
- Karekea te security software ae e na kona n ata mwiin te device ngkana e bua/kimoaki, kamatei mwiina, katanga te alarm, kanakoa nakoim tamnein te aomata are e karina te PIN ae e kairua ke e kona n karini bwaina aika a boou n aron ake n taian devices n boong aikai.
- Taraia raoi bwa taan kabonganai bwaai n itoman a ataa raoi aron kawakinan bwaai aikai ao rongorongo ake a mena i nanona, n aron:
- Kawakinan raoi te bwai n itoman ibuakon te botanaomata
- Taraia bwa e mano te Wi-Fi, ke kabonganakin te data dongle
- Tarataraiko mai irouia taan irae n tara te bwai ae ko karaoia
- Kabonganai tuua aika a matoa ibukin kamanoan bwaai n mwakuri – n aron te email, kabonganan te intanete, taabo n reitaki i aon te intanete ao apps – bwa a aonga n totokoa reken te kanganga man te malware.