Kanganga
- Ibukina bwa a kaman baireaki raoi bowi iaon te tareboon ao n te video aikai, e kona naba temanna te aomata n toma rinanon te dialup ao n noori bwaai aika a kakawaki – n aron noran te kakao n te email ke man kabonganan te spyware – e kona n karekea rinina n te bowi.
- Ngkana a karaoaki bowi ae e kabongana ana connection te VoIP, e kona n riki te kakauongo ni karaba ibukina bwa e mwakuri te VolP iaon te intanete are a toma naba iai te botannaomata. E ngae n anne, e uarereke riki te kanganga nakon kabonganan te tareboon are te landline, ibukina bwa e kakai reke te rin iai.
Te bowi iaon te tareboon ao te video ae e mano
- Kabonganai passwords aika a kanganga, ao tai kaotia nakon temanna.
- Tai kaota bwanin rongorongon te katomatoma nakon temanna ma ti nakoia ake iai kariakaia bwa a na ira te bowi.
- Ngkana e kona n noraki ana profile am service irouia te botannaomata, tai kaoti rongorogo aika a kakawaki, a riai n karabaaki ke a taburoroko.
- Kabongana te service ae e tararuaki raoi. Iai botaki aika a karaoi mwakuri aika a kakaokoro ibukin kamanoan bwaai n aron:
- Te rabakau n bubuti warekan mwaitia aomata bwa e aonga n ataaki raoi mwaitia kaain te bowi. Aio are e kona ni moantaai n tuuka te kanganga ibukin rinia aomata aika tiaki kaain te bowi.
- Katokakin te karinrin imwin rinia kaain te bowi ni kabane bwa e na tuka rinia tabeman riki aika tiaki kaain te bowi e ngae ngkana iai irouia te PIN ae e eti.
- Uoua te PIN, e buoka te tia kaira te bowi bwa e na kona n tararua riki te bowi.
- PINs aika iai maniia aika a kona n toki korakoraia imwin banen te bowi.
- Ngkana ko kabongana te Skype ibukin te bowi iaon te tareboon ke te video, taraia raoi bwa antai ae ko karinna. Karaoa am service are e na ti katomaia aomata aika ko kinaia.
- Tutuoa n taainako am provider ibukin taian update ke te katomatoma.
- Taraia raoi bwa ko kabongana te internet security software ao te firewall aika a mwakuri raoi ao n kakabouaki.
- Taraia raoi bwa ko kabongana te Wi-Fi ae e mano. Tai rang onimakina te Wi-Fi/hotspots ae e kabongana botanaomata, ma kabongana oin am data ke te VPN.
- Imwin te tareboon, ononea te handset n taainako ke ngkana te Skype ke tabeua riki video services, taona ‘End call’ ibukin kamanoan raoi bwaai ake ko taekini ke ko karaoi.