Taian Kanganga
- Taan mwakuri ao/ke taan mwakuri aika kakabouaki manin mwakuria (contracters) aika kabanea ana mwane te kambwana ibukin kabwaiaia. Te katoto:
- Otanan bwaai ibukin kabonganaia i bon irouia
- Otanan bwaai n te mwaiti ae riao ibukin kaboaia taan kabonakoi bwaai n te aro ae aki eti.
- Kabwakan boon services aika akea rabwataia ibukin kabwakamwane aika aki eti.
- Te boraraoi i aon irakean boon bwaai ibukin bwakamwane aika aki eti.
- Taan babakanikawai a katea te merchant account ian aran am kambwana ao a kariaia otanan bwaai aika aki kabonakoi.
- Taan babakanikawai a rinnako n am website n karaai taian order nakon aia server.
- Taan babakanikawai a karikia bwa taian director n te kabwana, ao a kaibibiti naba taian director ao te tabo are e tei iai te bitineti.
- Ana riboti te kambwana, araia taan mwakuri, rongorongon te account n te bangke ao tabeua rongorongo aika kakawaki a kimoaki irouia aomata aika a taratarai aekan rongorongo aikai n te tabo mange.
- Bwaai aika otanaki man te account ae kewe ke man taian credit card aika kimoaki.
- Kaokan te mwane nakon te card bwa ai mwiia taan kabobwai aika babakanikawai a bukinna bwa angkoa bwaai aike a kabooi aki tau ke aki reke irouia.
- Bwaai ni bobwai ae ko kanakoi a oneaki mwia ni bwai aika kewe (fake) ngkana a kaokaki.
- Phishing (emails aika kewe), vishing (texts aika kewe) ao taian mwakuri ni ioawa n te social engineering ae a kaumakiko ma raom ni mwakuri/reirei bwa ko na kaota rongorongom aika a riai n raba man aki ataki bwa aonga ni karaoa aia mwakuri ni babakanikawai.
- Aomata aika nakon te website (website traffic) a karaiaki nakon te site ae kewe ma te address e titebo (te katoto, ma ana spelling te site ae e bure ti teutana).
- ID passes, passwords ke rongorogo aika kaineti nakon temanna ma temanna a kimoaki irouia taana makuri (contractors ke tradesmen) aika taan kewe.
Kamanoa am organisation
- Tuoa am account n te bangke ao ana riboti am kambwana n nori bwaai aika ko aki nang kakaraoi ni katoa tai.
- Ni katoa tai ao kabaranta ke katitaboa mwin karinmwane ao bumwane n te bangke ao mwin kabonganan ana credit card te kambwana.
- Kaungaia taan mwakuri, taan bobwai, taan kabonakoi bwaai ao aia itoman bitineti n ribotini bwaai aika riki aika aki nang ririki.
- Kamatairikiko nakon rinia tabo aika boou aika a kuri n titebo ma am bitineti ke tabo n makuri. Iangoa karinan (registering) misspellings aika a nang okioki ao kakaokoron aran am kambwana.
- Korokoroi taian bebwa aika iai rongorongo aika kakawaki i aona imwain ae ko karenakoi.
- Karaoi kainibaire bwa antai ae e kona n otani bwaai ibukin te kambwana. Kabongana kawain otanakin bwaai (purchase order system) ae kinaki.
- Karekei references ao iangoa tuoaia taan mwakuri ke contractors aika boou.
- Karaoa te credit checks (tutuo) i aoia taan bobwai aika boou ao tuoa rongorongoia (contact details) bwa ana bon koaua.
- Kaeka te bubuti ibukin tangiran okin te mwane ibukin te bwai ae e a tia ni kaboaki (payment card chargebacks) n te tai ae waekoa.
- Karaoa kamatoan tokin mwaitin te credit.
- Karaoa tokin mwaitin ae ko kona ni butia, karaia ao kabwakamwane man am account n te bangke. Iangoia bwa uoman ae kona ni buta, karaia ke ni kabwakamwane, n te aro ae titebo ma ae karaoaki ae uoman ae kainanoaki bwa e na tiaina te cheque.
- Ibukia taan bobwai aika aki kinaki ao akea mwin aia karinmwane ke bumwane, tuangia bwa a na kabwaka moa boon aia bwai are a kaboi imwain ae e kanakoaki nakoia.
- Karaoa te credit check i aoia taan kabonakoi bwaai aika boou ao toaia ni bitineti, ao tuoa rongorongoia (contact details) ibukin kakoaua.
- Ngkana kabonakoan bwaai online, karekei kakoauaia taan bobwai aika boou ni kabonganan te bwai ni kakoaua n aekakin Address Verification Service, ke Verified by Visa/MasterCrd SecureCode. E mwaiti taian commercial providers ae a karaoa kakaean te kakoaua.
- Taraia bwa aron kamanoa am kaombiuta e bwanin raoi ni ikotaki ma te antivirus/antispyware ao taian firewalls a mwakuri man tia ni kabouaki, ao ai kabonganan passwords aika a kanganga atakia. Aikai aika ana kamanoko man taian waaki ni ioawa aika mwaiti online.
Ngkana am organisation e a tia ni mwane n te waaki ni babakanikawai aio.
- Riboti nakon te botaki ni bureitiman.
- Karaoi kawai aika baiti ni kauarerekea te urubwai, e ngae ngkana te babakanikawai e karaoaki i nanona ke ma i tinaniku.
- Ngkana te babakanikawai e rekereke ma am account n te bangke, reitaki ma am bangke n te tai ae waekoa.