Oin bukin karaoan ana urubwai te DDoS
- Te taumatoa ibukin karekean te mwane/mabiao
- Kabuakakan ke kabaerekaan aram
- Te kaiangatoa ae e babaka ni kawai (anakia am customers ae riki imwin rotakin am service)
- Ribakim ke am bitineti
- Tangiran te kan atongaki mai ibuakoia raom n ioawa iaon te intanete
- Hactivism (mwakuri n ioawawa n rin n ana account ke network temanna n akea te kariakaki)
Kawakina am bitineti
N aron ae e ataaki, ana urubwai te DDoS e kona n karaoaki n anga aika a bati, n aron ae rang mwaiti mwangan te intanete are e kainnanoa te atatai ae e nano ibukin atakin raoi ao n totokoan mwakuri ni ioawawa aika a kona n riki mai iai. Ngkana iai am kanamakin bwa ngkoe temanna ae ko kona n taketenaki n ana urubwai te DDoS, ti kaungako bwa ko na kakaea ao n reitaki ma te tia rabakau iaon totokoan te DDoS ae e korakora ana atatai ao n toamau ana bwai n mwakuri ibukin kawakinan am bitineti. E kona n tuangko arom ao n karaoa te mwakuri are e na totokoa te kaanganga nakon am bitineti.
Babairean mwaitia taan kabongana te website
A na riai botaki ni mwakuri aika iai aia website n taraia raoi bwa e mano aia website man korakoran mwaitia taan kabongana (ae e aki kantaningaki) aika a kan karaoa te mwakuri n ioawa ao aika a bon kan kabongana raoi.
Ko na riai ni karaoa te kakae iaon taian kanganga, n kataui bwaai aika a kona n riki, ao ni karekea te web server, bandwidth (korakoran te intanete n katomatoma) ao te processing power are a konaa kataira mwaitia taan kabongana te website. Karekea am tai ma te rabwata are e tararua am website bwa e na taraa raoi uotan am website aika a aki ke a aki rang kantaningaki ao n tibwatibwa raoi mwaitin uotana iaoia ana servers (taian kombiuta aika a kamwakuri kombiuta ake tabeua iaon te intanete) aika a mwaiti. E na bon iai kabane mwane ibukin aei, ma ko na katinea ma kanganga aika a na reke nakon am bitineti ao man kona n karaoa te boraraoi.