Google e aki kariaia bwa e na karaoaki te tiati nakon taabo ni mwakuri ake katanoatai man te official site, ma te copycat e teimatoa n karaoa te tiati. E rang kakawaki bwa a na bon riai ni kaotia bwa te mwakuri ae a karaoia e tauraoi n tainako n akea boona ke te bo ae uarereke, ma e aki toki ni koreaki n te man ae uarereke i nano ike kanganga norana ke bon akea.
Taian Kanganga
- Mwamwanakia te koraki iaon kabwakan te mwaiti ae bubura ibukin mwakuri aika karaoaki aika a kona ni kab aki man ana site ana rabwata te tautaeka ke taabo ni mwakuri riki tabeua n te boo ae bon eti. Karinan ni mwakuri aikai e irekereke ma:
- Passports
- Beba ni bong ni bung ke beba ni mate
- Beba ni kabuti kaa ke karinan nako n license
- Te ukeuke iaon te kabuti ka
- Ngkana ko tuangaki bwa e baiti riki kabonganan te copycat site ae bebete riki, ngke bon koauana ko kona ni karaoia ngkoe n aron tuangam ae bon titebo arona ae baiti man bebete.
Te kakaenako ao te bobwai man websites aika official ao ni mano
- Tai ienikuri n rinea te moan website n te search engine bwa ko na iangoia ni kabongana, e ngae ngkana taraan te address iroum kanga e tei ni koaua ti ibukina bwa ko kawaekoa.
- Taani kimoa a bon rang mwatai ni karaoi kaibibiti aika e kanganga noraia n te tai ae waekoa n aron kaibibitan te nambwa ae ‘0’ nakon te man ae ‘o’.
- Ngaia are, bon karaua raoi kakaea te website ae bon eti. E rang kakai ataki ae bon eti te site ngkana iai ana logo ae oti te tabo ni mwakuri, ana mwaanga te tautaeka ke te kauntira iaona n ikotaki ma ana nambwa ao ana bo ae bebete ke bon akea.
- Ma ngkana ko bon kan kabongana te website ae aki mano ni kaboi baika oi ni bwai, e kakawaki bwa e mano raoi am bobwai n te mwane, ko na ataia bwa e mano ngkana ko ataia bwa te address e moanaki ma https:// (‘s’ e tei ibukin secure ke mano) ao iai naba tamnein te roka n te browser. E ngae ngkana kanga e bon aki naba tara ni mano te website ae kanga a bwaibwai iai taan kimoa ke babanikawaki, e bon kona naba ni mano ibukin te bwakamwane.
Ngkana ko taku bwa ko a tia ni kamwaneaki ni kabwaka te mwaiti ni mwane ae bubura imwin kabonganan te site ae kairua
- Reitaki nakon te site anne ibukin am refund, ao tuangia ae ko taku bwa ko a tia ni babanikawaiakaki.
- Reitaki nakon ana rabwata te tautaeka ke taabo ni mwakuri are ko taku bwa e riai ibukin kaongoaia te mwakuri n babakanikawai ao ni katoto.