Buoka Ibukin Kamanoan te Webmail
- Kabonganai webmail services man kambwana aika a kinaaki ao n onimakinaki.
- Kamaiua te spam filtering ke mwaing nakon te webmail provider ae e kona ni karaoa aei .
- Kabongana te password ae kanganga ataakina n login (nora Passwords).
- Log out n taainako man am webmail ngkana ko tia ni email. E rang kakawaki aei riki i aon te kombiuta ae e ibuobuokaki.
- Ti kaungako bwa ko na ti katomako ma te webmail ngkana e mano ana connection am webmail provider (e kaotaki aei n tamnein te roka i nano n te atai n ana window am browser ao taian reta aika ‘https://’ ni moan ana address te website). Ngkana e aki mano raoi te connection, taraia raoi bwa ko na aki kanakoa te email ae na kaota rongorongom ke rongorongon am mwane.
- Taraiko man bwaai aika a iri ma taian email mai irouia aomata aika ko aki kinaia ke n onimakinia. Tabeua ana system te webmail a kona n tutuo ibukin te malware.
- Taraia raoi bwa iai iroum te antivirus/anti-spyware ao firewall software aika a tibwa otinako ao a tia ni karinaki.
Tai Kabuai Am email Messages aika a Maan
Tabeua ana systems te webmail a kamaunai messages ngkana ko a riaon te mwaiti ae e katauaki ibukin kawakinan bwaai. Ngkana e kakawaki kawakinan am email aika a maan, karekea te service ibukin kawakinan bwaai i aon te intanete ae e kakaboaki, ke kabongana ana service te webmail ae e aki tiatiana te mwaiti.
Taiaoka uringnga naba ae iai webmail providers aika a kona ni katoka kabonganakin am account ngkana ko tuai ni kabongana inanon te tai ae e rang n maan.