Taian Kanganga
- Ko kauka te link n te tweet, ke te post iaon taabo n reitaki online ke te video hosting site – ke n te direct message – n katanoatan te bwaintangira ke te bwai ae materaoi boona….ke, ae e kauringko bwa kona karaoi mwakuri ae e na totokoa buan te mwane. E kona n roko aio mairouia aomata – n ikotaki ma am contact aika ko onimakinia ngkana aia account iaon taabo n reitaki online e a tia n ataki ke n tia ni katotongaki.
- Te link anne e kairiko nakon te website ae e kainanoi rongorongo aika ana riai n aki ataki ke e kona ni karina te malware (virus/spyware) inanon am kaombiuta ke n am tareboon.
- N angana teuana, te post, tweet ke message a kona n tuangko bwa ko na tareboon nakon te nambwa ae ko anganaki. E kona ni kairiko nakon tangiran rongorongom aika ana riai n aki ataaki, ke te nambwa anne e bubura ana rate ae e na karekea te tiaati ae bubura ae e kona ni manga karinaki bwa am tarau n te tarebon.
- Te aomata ae kakaraoi mwakuri aika a urua te tua (the criminal) e karaoa te Twitter customer service account ae kewe man nang anainano ao ana handle e titebo ma ana handle te bangke ae koaua. A taningaiko bwa kona tweet nakon ana handle te bangke ae koaua ma te bubuti ni kan buokaki, ao a rinnako naba n te maroro anne ni kanakoa te support link ae kewe man te support page ae kewe naba. Aio are e na kairiko nakon te login page ae kewe ae karaoaki bwa a na kona n rinnako n ninia rongorongom aika ana riai n aki ataki.
N aekakin emails, texts ao tareboon aika kewe, te waki ni kewe rinanon taabo n reitaki online a takakaro ma am namakin ma kainanom, n aekakin am onimaki, manom, makum ibukin buan am mwane, reken te bwai teuana iroum ae akea nanona, te ingainga ni kunea te bwaka ni boo ke nanom ni kakaea te tangira ke te kan ataaki/kinaaki. A nang kaota kainanoan am kakamwakuri n te tai ae waekoa n totokoa reken te kanganga ke ni mabiao n te anganano (offer).
Kona kanga ni kamanoko bwa kona aki reke n te waki n kewe rinanon taabo n reitaki online
- Tai kauki links ibukin posts, tweets ke direct messages ni karokoa ko kakoaua 100% bwa e bon koaua ao e roko ma te nano ae raoiroi.
- Bon ana am tai n tara am mwakuri imwain ae ko kaeka nakon reitaki aika roko man taabo n reitaki online
- Titirakiniko bwa ngkana te aomata ae bon kinaaki e bon kona n reitaki nakoim n te aro aio ma te rongorongo aio.
- Kinai mwakuri ni kakamaku ibukin te kanganga n te mwane ke taian anganano aika a tara n bon koaua, bwa bon taian raa raoi.
- Ngkana ko raraoma, tarebonia nambwan te botaki ke ana nambwa te aomata ae eti are e roko maiai te post ke tweet ae bukinna bwa e roko maiai, n noria bwa e bon koaua.
- E ngae ngkana te post ke te tweet e tara n roko mairoun temanna ae ko kina, aia account e kona n tia n niniaki man ataaki.
- Ngkana te kan reitaki rinanon Twitter, ko na ataia bwa taian accounts ibukia bitineti aika koaua iai te (blue) ‘verified’ tick ae e oti ni kaotia bwa te account anne e koaua. A bon aki naba kona n tuangko rongorongon am log in.
- Tuoa naba mwaitia aomata aika a irira te account anne (followers). Botaki aika koaua – n ikotaki ma te customer support handles – a kona n nang mwaiti aomata aika iriria.
Ngkana ngkoe ae koa tia n mwane n te waaki aio
Riboti nakon te social media network rinanon te tabo n riboti iaon te site ke te app anne.
Ngkana e a tia ni bua am mwane bwa mwin te waki ni kewe rinanon taabo n reitaki online, ke rinanon waki tabeua ni kewe
Riboti nakon te botaki ni bureitiman.