Taian Kanganga
Angin websites ae a boutoka te trades a kinaki ao n ataki, a karaoa moa te tutuo ma aia kamatebwai iaon bwaai aikai imwain ae a toka iaon aia website. N tabeua te sites, e uarereke ke bon akea te kakoaua ae kainanoaki iaon te konabwai, te atatai ke te bebwa ae ea tia n reke imwin te reirei ae kainanoaki mairoun te tradesperson/kambwana. Ma, ti te bwai ae kainanoaki bon kabwakakin am fee. N tabetai, aia reviews taan bobwai a karioaki naba. Ni kakoauan ae ko a bon engage ma taian expert, aio e kona n reke:
- Te mwakuri ae e aki roko tamaroana n are kantaningaki.
- Te mwakuri ae kakamaku ao e kona ni karekea te kabuanibwai.
- Akea koauan te mwakuri bwa e na tia, ke e na matebuaka te mwakuri, ao a kona ni kauarerekea boon am bwai (property).
- Tradespeople ae akea aia public liability insurance (te insurance ae tararuaiko ma ami bitineti ni kaboi mwin uruaki ke ngkana iai te kabuanibwai, akea kamanoaia ibukin kanganga ma kabuanibwai (all-risk cover) ke akea te employers liability insurance.
- Kabwakan te mwane ae raka n te market rates ae e kariaiakaki ibukin te bitineti
- Tradespeople aika taan kewe aika a tuangko am moan kabwakamwane (up-front) – riki ibukin ‘materials’ – ma ana bon birinako ma am mwane.
Kamanoam – ao kamanoan am bwai
- Imwain ae ko kairekerekeko ma te tradesperson, karaoa am kakae online ibukin reviews aika tamaroa ao aika aki (tiaki ti iaon websites aika katanoatai trades).
- Kaitibo ma te aomata n maroroakina te mwakuri, ni mwengam ke n te tabo are e na karaoaki iai te mwakuri.
- Taraia bwa te tradesperson e tauraoi n anga te address ao nambwan ana tareboon te tabo ni bitineti, ao n tuoa bwa e bon kinaki/ataki.
- Taraia bwa te tradesperson/kambwana are ko irekereke mangaia iai ana konabwai ni koaua (qualified) ni karaoi aekaki ni mwakuri are ko tangiria, nakon te kabanea n tamaroa are ko tangiria.
- Karekea iroum te katautau ae e koreaki iaon te bebwa ibukin te mwakuri imwain ae koa tuanga te tradesperson bwa e nang waakina ana mwakuri.
- Ngkana ko karaoa te kabwakamwane imwain ae waaki te mwakuri (upfront payments), taraia raoi bwa e reke iroum te rititi ae taibinaki ke e koreaki, ae kaota raoi mwaitin te mwane ae e a tia ni kabwakaki ao ibukin tera.
- Ao, taraia raoi bwa e reke iroum te rititi ibukin te kabanea ni kabwakamwane, ke bon mwin te kabwakamwane ni kabane ngkana e karaoaki ngke e a tia te mwakuri.
- Tabeman taan babakanikawai a kabutia aomata aika ana kamwaneia nakon te bangke bwa ana buta te mwaiti ni mwane ae bubura bwa n aia koaua ao anne te kabwakamwane are e na karaoaki imwain ae waki te mwakuri. Ngkana e riki aio nakoim, kaotia nakon kain rarikim, ke kamatata nakon te tia mwakuri n te bangke ae ko mena ikekei iaan ae kona karaoa te bwai ae ko tuangaki.