E kananonaki te taeka ae ‘sexting’ bwa kanakoakin te tamnei ke te video ae tangako iaon te text. E rangi n kakawaki kabwarabwarakin aio nakoia ataei ae rawean, kanakoakin ke butimwaean tamnei aika a tangako ke tamnein te aomata ae bebekan tii ibukia ikawai, ao ngkana iai tamnei aika a na kanakoaki nakoia ke ngkana a kaungaki bwa a na kanakoi, e kona n reke iai kanganga aika a korakora n aron ririmwian te aomata n akean ana kariaia, bwainikirinan te aomata, ke tauan temanna ma te matoa bwa e na kabwaka te mwane.
Te reitaki n te text & Kabonganan te text ibukin te mwakuri n tangako
Titebo te anga reirei i aon te texting, ma te emailing ke reitaki i aon te intanete: ataei a kona n mwamwanaaki bwa aongkoa a text ma te aomata ae a bon kina, ma ngaia tiaki bwa bon te aomata temanna. Tiaki ti ngaia anne, ma kanakoakin naba tamnei ke video nakoia raom n reirei ke aomata riki tabeman aika ko kinaia, e kona iai n reke kanganga aika a kona ni karekea te kabwainrang ao te maama, ngkana a tibwaki bwaai are ko kanakoi.