- Te kimoa e riki man karaoan bwakamwane man te web ae aki mano.
- Taian kewe ibukin te kibakiba:
- Ko kabaea kibam ao e reke am ticket ae te kewe, ke ko kabwaka boon am ticket ae aki roko n te reke iroum.
- Taian kewe ibukin te motirawa:
- Websites aika kewe ao email aika taekin taabo ni motirawa ma auti aika bon akea rabwataia. A kainanoa ae ko na kabwaka am deposit, ao ko aki manga noria imwina.
- Taian kewe ae a na bon kimoaiko iaon aia fee ibukin tauan am tabo ni motirawa.
- A kanakoaki katanoata aika kairua ae am auti e na akea kaina ngkana ko nako ni motirawa, a katokaki iaon te social networking ke sites ake a taua mwin mwamwanangam. Tabeua kambwanan te insurance e totokoi claims ngkana auti a taketenaki irouia taan kimoa ngkana kaina akea bwa a nako ni motirawa ao a kabongana te rongorongo are toka iaon te social networking sites.
Te kabaeara ae mano (Safe Booking)
- Taraia bwa te kambwana ni motirawa ke ni mwamwananga ae ko aki taneiai iai bon te oi ni kambwana imwin am kakae ibukina online. Taraia naba bwa a kaina te rabwata ae kinaki ibukin botaki ni mwamwananga ae iai te kabomwi iai ao aia service ibukin te tangitang.
- Ngkana e angaraoi, kabongana am credit card ni kabwaka boon am motirawa ao te mwanaga bwa e mano riki aio. Ko riai naba n ataia bwa iai te tiati ibukin kabonganan am credit card.
- Tuoi raoi taekan bwaai ni kabane n aron te tai ni mwananga, kawaimi, tokimi ma taan mwanaga imwain ae ko kabwakamwane, rimwi ao ko na tiatinaki ibukin kaetaia.
- Karaoa naba am insurance ibukin te mwananga ma tokimi, baika kam na karaoi ao kain am mwananga ni kabane.
- Tai kaekai emails man kambwana aika ko aki kinai man atai.
- Ngkana ko na rent te apartment ke te villa, tarebonia te tia bwaibwai ke te tia tararua ni kakoaua raoi. Nori naba baika a taekin aomata n te TripAdvisor ke aekaki nako n site akanne.
- Karekea ana address te tabo ae ko na tiku iai ao noria iaon google ni kakoaua raoi nnena.
- Imwain am bwakamwane, karekea raoi te contract ae kaota iai te terms ao conditions n te rental, te deposit ao te bwakamwane.
- Imwain ae ko karini taekan am card ibukin te bwakamwane n te website, taraia raoi bwa te link e mano, n aanga aika uoua:
- E na riai n iai tamnein te roka n te browser, ae na kaoti ngkana ko kataia n log in ke n register. Taraia raoi bwa tamnein te roka e na aki mena iaon te page…aio e kona n ae te site ibukin te kimoa.
- Te web address e na riai ni moanaki ma ‘https://’. Te ‘s’ e tei ibukin ‘secure’ (mano).
- Te bwai ae i eta aio e kaotia bwa te link imarenam ma te tia bwaibwai n te website e mano, ma tiaki ti te site ae koaua. Ko riai ni karaua n tuoa te address ibukin te spelling ae bure, tao taeka aika kabatiaki ke baika a kaota ae aki koaua.
- Tabeua websites a na kairiko nakon te third-party ibukin te kabwakamwane (n aron WorldPay). Taraia raoi bwa sites aikai a bane ni mano ibukin am bwakamwane.
- Kawakinna raoi ao uringa te password are ko a tia n rineia ibukin te verification services are kabonganaki iaon tabeua websites n aron Verified by Visa.
- Ngkana ko karaoa te bwakamwane nakon temanna, bon tai karaia te mwane nakon ana bank account ma kabongana te payment site ae mano n aron PayPal, ike te mwane e karaiaki imarenaia uoua electronic accounts.
- Uringa n tainako n log out man sites ake ko log in nako iai ke n register iai. Kainakin am browser e aki tau ibukin kamanoam.
- Ibukin te motirawa ao kabaeara n te mwamwananga, kawakini am rititi n am bwakamwane online.
- Tuoa raoi am credit card ao am bank statements imwin am kabaeara bwa eti te mwaiti ni mwane ae anaki, ao akea naba te kimoa ae karaoaki imwin am kabaeara.
- Imwain ae ko katoka taekan am tai ni mwananga iaon social networking ke te travel tracking sites, taraia raoi bwa iai te privacy setting ao e maiu.
- Taraia naba bwa te antivirus/antispyware software ao te firewall a mwakuri imwain ae ko online.