A kona taan kabongana taian websites aikai ni kemboro n ruamwin taian kaboo n te video game (eSports) ma bwaai n takakaro n aron taian katii, biti ao onea ni kamanomano aika a kakabonganaki inanon tain te takakaro (a aranaki bwaai aikai irouia taan takakaro bwa taian ‘skins’). E katautaua te ribooti are e boretiaki n te US bwa e roko n te mwaiti ae $5 te birion (inanon 2016) te kareke mwane man te kemboro n taian skins n te aonaba.
E na iai te kanganga ngkana ko angan natim te mwane ibukin te takakaro i aon te kombiuta, ma ngaia a kabongana ni kemboro iai. Te waaki aei e aki tii kaunga babaeakin te bwai ae e aki raoiroi ibukia ataei (a tia n ribotinaki ataei man te roro ae 11 n tia ni kabonganai websites aikai), ma a kona naba ni kabongana am credit card ibukin biria n tain te kemboro (e nakon tenga te pound).
Aron kawakinan natim man te kemboro i aon te bwai n takakaro
- Maroro ma natim i aon kanganga aika a kona n reke man te kemboro, man kabonganan te kabwarabwara ae a kona n ota iai.
- Taraia raoi bwa a bootau ma roroia taian takakaro i aon te intanete aika a tangiri natim
- Karaoa te kakaei i aon rongorongon taian takakaro ake a kan karaoi – taraia naba ngkana iai taabo ni maroro are a kona ni kairarangia nakon waaki aika aki raraoi n aron te kemboro ao kamwaneaia ataei nakon mwakuri n tangako.
- Kabonganai raumea n te intanete ibukin tuukan websites aika a aki raraoi.
- Kabonganai software/apps ibukin aia tararua kaaro n n totokoa kabonganan te intanete n te aro ae e aki riai ao n tuoi mwiin aia mwakuri am ataei i aon te intanete.
- Bon tai naba angania am ataei rongorongon am credit card.