A rang baiti ni kai rereke nambwa rinanon Google ma taabo ake a taui naba mwin nambwa ibukina bwa te kambwana are tabe ma aio e kabwaka mwane ibukin katamaroan te list. Aio aekakin are ngkana ko kakaea te nambwa man te mobile tareboon (smartphone ke te tablet), e ngae ngkana e bon kaoti naba iaon am computer.
Taian Kanganga
- Kanoan am call ake a raweaki e kona n iai rongorongom inanona aika kakawaki (n aron taian security questions) ake a manga kona ni kabonganaki ibukin te kimoa, kabonganakin rongorongom ke arom.
- E kona n rang bobuaka karaoan am tareboon rinanon te call recording service, n aron are ko bon reitaki n aki rinanon aio.
- Ko kona naba n taku bwa ko bon reitaki nakon te tabo are ko kainanoia ibukina bwa te nambwa e kaoti n te search engine results.
- E kona n ana 30 te bong reken bwanam are raweaki iroum – e rang maan aio ngkana ko kataia n uringa bwa tera kanoan am maroro ae na kona n ibuobuoki nakon te kanganga ae tao e riki.
- Mwin am maroro are raweaki e bon aki kona n reke.
- Ko kabongana te service ae tiaki raoi te oi.
Totokoan taian kanganga
- Tai kakoaua bwa a eti nambwa ake a reke iroum man te search engine ibukin taabo aika ko kainanoi, e ngae ngkana ko ienikuri ni kan karekeia.
- Bon reitaki nakon te bangke ke taabo ake ko kainanoi n aia nambwa ake a reke man aia website ke reitaki aika ko bon onimakin. E reke naba ana nambwa te bangke i akun am card.
- E rang kakai reke naba nambwan te bangke man te mobile banking app man am tareboon.
- Ibukin naba te taratara raoi ngkana ti kotea te nambwa ae kaoti man te search engine, e kona n ae bon te nambwa man te call recording services ke tao te nambwa ae kewe.
Ribotinna
Ngkana ko a tia n reke inanon te kimoaki n itera aikai, waekoa riboti nakoia bureitiman.