Aekakin nako te mwakuri ni kewe ibukin tangoan taian auti.
- Te tia kewe e karikia bwa aongkoa te aomata ae e tatangoaki ana auti ni maeka. N angin te tai te auti e listed bwa e tauraoi n te tangoaki ibukina bwa te aomata ae ana auti anne angkoa e maeka ke e mwakuri n te tabo teuana ibukin bukina aika mwaiti – angina angkoa ibukin mwakuri ni ibuobuoki, mitinare ke mwakuri aekakin aikai ae ana taraki iai bwa aomata aika raoiroi man onimakinaki. Te katanoata e airi ma te tamnei ae kimoaki man websites aika ataki/kinaki ibukia agents aika tabe ma tangoakin auti ni maeka. Te tia kewe e kona ni karekei anga bwa te auti ni maeka e aki kona n noraki tamneina. Te “landlord” e tuatua ibukin boon tangoan te auti nte moan namakaina bwa e na kanakoaki rinanon taabo ni kanako mwane n aekakin Western Union or MoneyGram, ni berita bwa e na kanakoa te king ibukin te auti rinanon te tabo ni kanako bwai. Teuana naba, te tia kewe e tuanga te tia kan tangoa te auti ni maeka bwa e na kanako mwane nakon raoraona ke ana koraki ae nang onimakinna, ao ni manga kanakoa nakon te tia kewe te rititi, ma te kantaninga bwa aongkoa aran te aomata ae e na nakoina te mwane bon ti ngaia ae kona n anaa te mwane anne.
- Te tia kewe e karikia bwa aongkoa iai ana bitineti ae tararuan taian auti ni maeka ao e rawata auti ni maeka aika kona n tangoaki. Aio riki te mwakuri ni babakanikawai ae barongaki, ae e irekereke ma websites ma taian bank accounts aika kewe. Te katanoata e airi ma te tamnei ae kimoaki man websites aika kinaki ibukia agents. Te auti ni maeka e manga aki naba kona n noraki, ma te tia kewe e kabonganai ana anga aika mwaiti bwa e aonga n aki ataki te koaua.
- Te tia kewe e karikia bwa te landlord (te tia bwaibwai n te auti) ae manga ritina te auti ni maeka nakoia aomata aika mwaiti n te tai ae ti teuana. Taan tia kan tangoi auti a bane n roko bwa a nang rinnako n auti aikai n te bong naba anne ma te landlord akea rabwatana n te tai anne ao n aki kona n reke. N tabetai, ngkana te aomata ae karikia bwa aongkoa te landlord bon te aomata ae kaman tangoa te auti ni maeka, aomata aika a tia mwantiakaki a bon rineia naba bwa ana bane ni maeka ni ibetutu n akea aia atatai ibukin te landlord raoi.
- Te landlord e kona n riki bwa te aomata ae keweaki ngkana te tia kewe e karikia bwa te tenant ae kan tangoa te auti ni maeka. E kona n tuatua bwa e na kanakoa te cheque (angina mairoun ‘ana koraki’ ke bitineti), e tuatua bwa te cheque ena bitaki nakon te mwane ao teutana man te mwane ena kanakoaki nakon temanna rinanon Western Union ke MoneyGram, ni karaoi ana anga bwa aongkoa iai te kabwakamwane ae nang riao, ke te mwane ibukin te kambwana ae ibuobuoki n te mwaing. Iai te katawe ae namakinaki bwa te tia mwantiaka e tangiria bwa te mwane ena kanakoaki imwain ae kuneaki bwa te cheque anne e kewe.
Kamanoko raoi man te mwakuri ni kewe ibukin tangoan te auti ni maeka.
- N tainako ao ko riai n nako n nora nanon ao tinanikun te auti imwain ae ko karaoa te boraraoi ae irekereke ma te mwane. Te landlord ke agent ae a kinaki a kona ni karaoa te boraraoi ma ngkoe ibukin rinim n te auti ni maeka.
- Taratara te auti ni maeka mai tinaniku n te tai ae kakaokoro ma te tai are ea tia ni baireaki, te katoto n te tairiki n ataia raoi bwa te auti ni maeka ae tauraoi nakon te tangoaki e bon tuai ni kainaki.
- Imwain ae ko nora te auti ni maeka, noria bwa taian tamnei are airi ma te katanoata e bon titebo ma taian tamnei iaon Google Maps Street View (mwaben ao taran te kawai ni kabonganan te Google Maps). Ngkana ko nano uoua, ao kakaea riki rongorongona n noria ngkana taian tamnei aikai titebo ma are a kabonganaki n katanoata tabeua ma a kaokoro taian addresses – anne e kaotia bwa te listing e kewe.
- Ngkana ko deal ma te agent online, tarebonia n tainako iaon te tareboon ke bon taraia raoi bwa iai aia tabo ni maeka ae onoti ibukia ao karekea rokom n aia tabo.
- Iangoa kabonganan tenancy agents aika tanoata kinakia. E materaoi rakan booia ibukin kabebetean am iango ngkana ea roko te integrity and landlord vetting (katoaia taan kan tangoa te auti ma taian auti aika tauraoi ni maekanaki) ke teuana, kabonganan specialist rental websites.
- Tuatua ibukin documents aika a bon koaua n aekakin aia energy performance ke aia gas safety certificates. A kona n anganiko te paper trail (mwin waaki aika a tia ni karaoaki) ae ko tangira bwa kona bon kakoaua bwa te katanoata iaon te auti ni maeka bon tiaki te kewe.
- Tuatua kinakin/rongorongon te landlord
- Noria bwa boon te rent e bon botau ibukin aekaki n auti ni maeka n te tabo are ko taratarai iai auti. Ngkana e bon tara n koaua man eti, ngkanne e bon koaua.
- Tai kanako mwane rinanon taian tabo ni kanako mwane n aekakin Western Union ao MoneyGram. A bon karaoaki ibukin aia iwawaki aomata aika bon kinaia man onimakinia i bon irouia. A kona ni mena n taabo nako n te aonnaba ma kinakia ae kimototo ke bon akea kinakia– ao e bon nang kanganga aron rimwiakia ngkana te mwane e a tia n anaki.
- Ngkana e angaraoi, karaoa te kabwaka mwane imwain rinim n te auti (up-front rental) man am credit card bwa e kona riki ni kamanoko man mwakuri ni kewe.
- Ngkana ngkoe te landlord ae e na tangoaki am auti ni maeka, tai kariaia bwakamwane ae irekereke ma karaaian te mwane teutana nakon te tabo teuana. Teimatoa n nori references ao karaoa am credit checks iaoia taan tangoa am auti.
- Tai maku n titiraki, e ngae ngkana ko taku bwa taian titiraki aikai akea nanoia.
Ngkana ko taku bwa ngkoe ae ko reke n te mwakuri ni kewe iaon te rental fraud:
Ribooti nakon te botaki ni bureitiman.