Ibukin katamaroan riki te waaki n te takakaro ma taan takakaro aika a mwaiti, angin te tai a reitaki taan takakaro n te chat ke a kabongana te microphone ke te headset n taetae imarenaia. A mwaiti takakaro – moa man te borau ao te kaati ni karokoa te kakatii ao te neweaba ike e ngaa mwaitia aomata n takakaro n teuana te taina – aika a kabonganai waaki aikai. E a rikirake ngkai kakabonganakin te mwane n taian takakaro i aon te intanete ibukin kabooan bwai n takakaro inanon tain te takakaro.
Kanganga
- Man kabonganakin te Massive Multiplayer Online Role Playing Games (MMORPGs ke MMOs), ma korakoran mwaitia taan takakaro aika a aki ataa tabuakaia ao aki raumean ao babarongan taian maroro, a kona ni karekei kanganga aika a kakaokoro n aron aikai:
- Anga nako rongorongo aika a onoti nakon temanna ma temanna n tiaki te nano ke man te aki tarabwai, n aron te password, email ke tabo ni maeka ke ririki ni maiu.
- Kanganga ni kabane aika a irekereke ma taabo ni maroro n te intanete.
- Anaakin (downloading) taian ‘cheats’ (bwai n babaka n ikawai) man te intanete bwa aongkoa a na buokiko, ma ngaia a aki bwa a uotii taian viruses/spyware.
- Anaakin bwaai (downloading) man te intanete ke n te aanga teuana, n aron katoton bwai n takakaro n akean te kariaia, e kona n reke iai rekenikai n aron kamaunakin am account, totokoan reken te bwai n takakaro bwa e na kona ni kabongana ana server te tabo are e karaoa te bwai n takakaro ke te kabureaki.
- Taraiko raoi mai irouia criminals (taan ioawa) ngkana ko kabooi ke kabonakoi bwaai aika a kabonganaki inanon tain te takakaro – n aron rinanin taian characters mai i eta – ngkana e irekereke ma te mwane.
- ‘Griefing’ – ngkana ko kumeaki irouia taan takakaro bwa e aonga n aki unga nanom n takakaro.
- Karenakoan am bwai n takakaro, kombiuta ao bwai n itoman ao e tuai ni kamaunaki rongorongom ao rongorongon am accounts.
- Anaakin (downloading) takakaro n te website ao te app aika a aki ‘kaboaki’, ma ngaia ko riai ni kabwaka te mwane ngkana ko na kabonganai bwaina ni kabane.
- Te takakaro inanon te tai ae e rang n maan are e kona ni karika babaeakinana.
Takakaro ae e mano
- Ti takakaro n te intanete ngkana e mwakuri raoi ao man tia ni kabouaki am antivirus/antispyware software ao firewall.
- Ti takakaro n taian bwai n takakaro aika iai kariaiakaia aika ko a tia ni kabooi man taabo aika a kariaiakaki ao iai am raitienti ibukin kabonganakia.
- Kakoaua raoi bwa a bon koaua ao a mano taian files aika a downloaded ao te software ae e boou ngkana ko kabooi man taabo aika a onimakinaki.
- Rinea te username ae e aki kaota rongorongom. Ai arona naba ma te takakaro ae ko kona iai ni karaoa am profile, taraia raoi bwa ko na aki anga rongorongom aika a kakawaki.
- Kabonganai passwords aika a kanganga n ataaki.
- Tai anga rongorongo aika a onoti ibukim nakoia taan takakaro ake tabeman.
- Taraia raoi bwa ko kakaboua ana software am bwai n takakaro. Angia takakaro aika a mwaiti kaaina a bon kaboui i bon irouia imwain ae a kariaia bwa ko na kona n toma. Taratara raoi ngkana ko download te burokuraem ae e aki kariaiakaki ibukin te takakaro.
- Taratarai taian scams ao mwakuri ni kamwane ngkana ko kabooi ke kabonakoi ‘bwaai’ aika a kabonganaki inanon te takakaro.
- Wareka raoi ana kainibaire te tia karaoa te bwai n takakaro ke te kambwana ae e taua mwin te takakaro ibukin ataakin raoi bwa e na akea taian kabane mwane n te tai aei ke tiaati aika a raba nakon taai aika a na roko.
- Ngkana ko a kanakoa am bwai n takakaro ni kabonakoa, urua, anga nako ke bwain tangiraia iai tabeman, taraia raoi bwa ko a tia ni kamaunai raoi rongorongom. A tatannako bwai n takakaro ma oin aia aanga ibukin karaoan aei. Tai mwaninga ni kamauna am account, ao backup ke karaia am games nakon am bwai n takakaro ae e boou ngkana e riai.
- Karaoi am kainibaire ao tuua ibukia natim ngkana a takakaro i aon te intanete.
Rongorongo riki tabeua
Aia kainibaire kaaro ibukin kamanoaia ataei ngkana a takakaro n te intanete: http://www.everybodyplays.co.uk/parents-guide-to-games
A kabwarabwaraki takakaron te intanete aika a kakaokoro n taian tamnei, ikai: https://www.youtube.com/user/FamilyGamerTV