Aikai mwiin te kakae ae a reke man te Get Safe Online i aon mwaitia kaaro ao aia takakaro natiia n te intanete:
- 51% aika a tabeaianga ibukin maurin natia
- 37% a namakinna ae a aikoa kona n taubaengia natiia ngkana a takakaro i aon te intanete
- 24% a aki atai kanganga aika a kona n reke nakoia natia ngkana a tatakaro i aon te intanete
- 25% a ataia ae a tia natia n anga rongorongoia inanon aia tai n takakaro i aon te intanete
- 34% a taekina bwa a tia natiia n taetae ma aomata aika a aki kinaia inanon aia tai n takakaro i aon te intanete
- 16% a taekina bwa e a tia natia n karaoaki te mwakuri n ioawa nakoia ke n taetae n buakaki.
Kanganga
Kanganga aikai a reke man uarereken totokoaia aomata aika a mwaiti aika a takakaro i aon te intanete man te aba aei ao aban tinaniku ao riki ngkai a aki kona n itaramata.
Ibukin aei, e aki kona n ataia raoi natim bwa antai ae e takakaro ke n taetae ma ngaia … ke n ata aia botoniango
Te kananokawaki bwa e a rang kabonganaki buaka irouia aomata ae aia botoniango te tangako, ioawa, kamwane ao tabeua riki.
E a rikirake te kanganga ngkai e rang n kakabonganaki te takakaro i aon bwai n itoman ao ai tiaki ‘te kombiuta n te mwenga’, ikai are e a kauarerekea riki am tai n tutuoa ana mwakuri natim i aon te intanete.
Kanganga riki tabeua:
- E takakaro natim n ae e aki botau ma ana ririki.
- E kabongana am credit card natim n bobwai – ngkana e kona n reke irouia
- E kabanea ana tai n takakaro i aon te intanete ao n aki kakamakuri, reitaki ma raona ao n aki karaoi ana bwai n reirei
Kamanoa raoi natim n ana tai n takakaro i aon te intanete
- Maroro ma natim ibukin aia takakaro i aon te intanete ao kanganga aika a kona n reke.
- Reireinia natim taian kanganga aika a kona n reke ngkana a aanga rongorongo aika a kakawaki n aron aia email, aia tabo n maeka, kain aia utu ao aia mwane.
- Kabwarabwara ae aomata a kona ni kewe bwa antai ngaia, ao a kona n aki raoiroi aia botoniango.
- Tuangia natim bwa a na aki kaboa mwiin te waaki n ioawa, ma a na riai n tuangko n te tai ae e waekoa.
- Katoa natim ngkana e takakaro i aon te intanete n tabetai. Ko aonga n ata raoi aia takakaro i aon te intanete ao toaia n takakaro.
- Taubaengiia mwaitin ana tai natim n takakaro i aon te intanete n te bongina ke n te wiiki.
- Taraia raoi natim bwa a kabonganai takakaro aika a bootau ma aia ririki bwa a aonga n aki n noori bwaai aika a aki katauaki ibukin roroia. Ngaia are iai bukina ngkai 18!
- Tai angan natim rongorongon am card ibukina bwa e kona n kakaboaki bwaai n takakaro i aon te intanete.
Ibukin kaekaan aia titiraki kaaro ao taan takakaro i aon te ririki ae katauaki n te takakaro i aon te intanete ao buoka i aon kabonganan takakaro i aon te intanete n te aro ae e riai, kawara http://askaboutgames.com
Rongorongo riki tabeua
Buokaia kaaro man te UK ibukin kamanoaia ataei ngkana a takakaro i aon te intanete
http://www.everybodyplays.co.uk/parents-guide-to-games