Te WiFi n te mwenga/aobiti/mobile (ae kinaki n arana ae te wireless connections ke te toma nakon te internet ae aki kainanoa te uaea), e kabongana te technology ae (802.11). Iai naba kanganga aika a kona n riki, e bon tannako anne ma ana kanganga. Ma e bebete naba aron kamanoam ngkana ko kabonganai tabeua ara ibuobuoki aika bebete.
Te wireless network n te mwenga/Aobiti
Taian Kanganga
Ngkana e aki mano raoi am wireless hub/router/dongle, e kakai reke rinnakoia aomata aika kaan ma ngkoe. N te aro aio, aomata aika akea kariaiakaia a kona ni karaoi baikai:
- A taona nako am bandwidth– ae e na rota iai butimwakan te online n am kaombiuta ao am devices tabeua.
- Kabonganan am download allowance ae ko a tia ni kabwaka boona nakon am Interenet Service Provider (ISP).
- Te download iaon bwaai aika aki raoiroi, ae na oti mwina nakon am address ao tiaki nakon aia kaombiuta.
- Te rinnako nakon taian rongorongo aika a kakawaki ae ko kanakoi ke a roko iroum online.
Wireless Networking ae mano
Taian kanganga aika a oti i eta a kona n totokoaki rekeia ngkana te wireless hub/router/dongle ae ko kan toma nako iai e mano. N tuoan aio ao ko kona n kakaei taian wireless network aika a tauraoi ni kabonganaki ao ko kona n ataia bwa mano ngkana e oti iai te kanikina ae tamnein te roka (padlock).
Ngkana ko moan katoma am kaombiuta, smartphone, tablet, printer ke taian device nakon te wireless hub/router/dongle, ko na kaungaki bwa ko na karina am password/key, aio kanikinaean ae te network e mano ibukin kabonganana. Aio e a kona ni katoma te device ibukin kabonganana n te tai are ko katomako iai ao ibukin kabonganana rimwi. Te password/key ana bon katauraoaki ma te hub/router/dongle, ma ko kona n anganaki te kona bwa ko na bitia nakon ae ko bon tangiria.
Ngkana ko a tibwa karaoa (set up) te hub/router/dongle, e na bon kaman tia n rin ma ni maiu aron kamanoan bwai aikai. Iai teniua karinan n encryption aika tauraoi (WEP, WPA ao te WPA2), ao WPA2 bon te kabanea n rietata. Angia hubs/routers anganiko te kona n rinea te level ae te kabanea n rietata, ma uringa are devices aika bwain rimoa aki kona ni roko kabotauaia ma taian level aika rietata.
Ngkana arona bwa am wireless hub/router/dongle ibukin mwengam/aobiti/mobile ko kan katoma ao ko taku bwa e aki mano, noora aron kabonganana (user manual).
Taraia bwa am antivirus/antispyware a mwakuri raoi ao n tia ni kabouaki (updated) ao am firewall e mwakuri naba imwain ae ko toma nakon te wireless network.
Kawakin ao kamanoi raoi taian WiFi codes bwa akea ae na kona n rinnako ke ni kabonganai.
Uringa bwa te access code e koreaki i aon te hub/router, ngaia ae kawakinna raoi ke kanakoa, ke kawakina rabwatan te hub/router n te tabo ae aki kona n reke iai ngkana arona bwa iai te aomata ae ninia am tabo ke aomata aika roko ni mwengam ao ko aki kinaia.
WiFi ibukin te botanaomata
Taian Kanganga
Te kanganga n aron kamanoam n irekereke ma kabonganan ana WiFi te botanaomata bwa aomata aika akea kariaia aia a kona n ninianako baika ko karaoi online. N aron ae a kona n rawei am password ao ni wareware n am emails aika ko aki tangiria bwa a na ataki. E kona n riki aio ngkana e toma am device ma te WiFi e aki mano/encrypted, ke iai temanna ae karaoa te hotspot ae kewe ae mwamwanaiko bwa angkoa te hotspot ae bon kinaki ma n koaua.
Te katomatoma ae encrypted, e kainanoaki bwa ko na karina te ‘key’ ae aio tarana: 1A648C9FE2.
I rarikin aio, ko kona naba ni kaungaki bwa ko na rinnako (log in) bwa ko aonga ni kona ni kabongana te internet. Aio e na tuanga te operator ae ko a online n aia café, outero ke taabo ni mooi. Bon akea te aro ni kamanomano rinanon te encryption.
Te WiFi ibukia te botanaomata ae mano
- Ti ngkana ko kabongana te web page ae mano ma bon tai kanakoa ke karokoi rongorongo aika kaineti ibukim ngkana ko kabongana ana WiFi te botanaomata.
- Ni bon angaraoina, ao bon kabonganai taian hotspot aika kinaki n aekan ana WiFi te tautaeka ae e aki kaboakin ke aika a reke ma n am cell network provider.
- Taan bitineti ni kabane a bon riai ni kabonganai network aika mano, encrypted Virtual Private Network (VPN).
- E kakawaki bwa e update man mwakuri raoi am antivirus/antispyware software ao firewall imwain ae ko kabongana te Wifi n ana tabo te botanomata.
Ibuobuoki riki tabeua
- Tai kitana am kaombiuta, smartphone ke tablet n akea ae mena irarikina.
- Taraia raoi bwa antai aika a mena irarikim aika a kona n taratarai bwaai aika ko karaoi online.