Teniua rinanin te mwakuri:
- E rang n bwainaki ngkai kabonganakin taian video meeting/webinar services n aron te Skype, Zoom, Microsoft Teams, Webex ao Google Meet, aika a kona mai iai taan kabongana ni kaoiia ao ni karinia aia aomata ake a kan reitaki ma ngaia, karaoa aia profiles, karaoi taian video calls ao tibwaa aia screens ao files. Tabeua riki bwaina, ma e a nakon te platform ao ana karinan te subscription ae kabonganaki, a kona n iri ma aanga ni koroboki, bwaai n rinerine ao ruu ni mororo aika a kakaokoro.
- Basic, bon te karinan are ko kanimwa am tareboon, headset ke microphone ao taian speakers nakon am wireless hub ae e katauraoia te VoIP ibukin te tareboon ae e boraoi i aon te intanete.
- Managed, bon te karinan are ko anganaki iroun te kambwana nambwan te tareboon n am tabo ao ko kona ni butimwaei ao ni karaoi taian tareboon.
N aroia aia services taabo n intanete ake tabeua, ko na riaia n tara raoi aron kabonganakia.
Kanganga
- E kona n riki te kakauongo ni karaba ibukina bwa e mwakuri te VoIP i aon te intanete are a toma naba iai te botannaomata. E ngae n anne, e uarereke riki te kanganga nakon kabonganan te tareboon are te landline, ibukina bwa e kakai reke te rin iai.
- Ngkana ko kabonganai mwakuri aikai ibukin te tareboon i marenaia teniman aomata ke e mwaiti riki ike e a kaman katauraoaki te katomatoma ao bwaninin rongorongon te rin, aomata aika kona n noori rongorongo aikai (te katoto, noran te kakao ke te email ke te kauring i aon te website ke taabo n reitaki n te intanete) a kona naba n rinnako ke ni kakauongo n am tareboon.
- Ngkana e riki ake i eta, a kona naba aomata aika akea kariaiakaia aikai ni ‘kamangaoa’ am tareboon ke am bowi, ao a kona naba n tibwai bwaai aika a aki riai ke a kamatauninga.
- A kona taan ioawa ni bubuti bwa ko na riki bwa aia itabon n te aro are a:
- Tareboniko ke kanakoi rongorongo aika a tawe rokoia iroum ibukin karaoan te mwakuri ni kamwane ao n iraa, ao aio e reke man kairakim nakon te website ae e kamwane ke ko download te file ae e buakaka ae e iri ma te virus ke spyware.
- Karekei rongorongom man am profile ao ni kabonganai n te aro ae e aki koaua.
Taian tareboon/bowi i aon te intanete aika a mano
- Ngkana ko kainanoa te password ibukin kabonganan am service, taraia raoi bwa ko kabonganai passwords aika a kanganga, ao tai kaoti nakoia tabeman.
- Ngkana iai ana profile am mwakuri ae e kona n noraki iroun te botanaomata, tai karini rongorongo aika a kakawaki, onoti nakoim ke a taburoroko.
- Taratara raoi bwa an antai ae ko butimwaea aia bubuti ibukin te kan reitaki. Karaoa am service n te aro ae ko tii kariaia tomaia aomata ae ko kinaia.
- Waekoa n totokoia aomata aika a kakeru ke a kamwane bwa a na aki manga reitaki nakoim ao ribotinia naba ibukin te waaki n ioawa.
- Waekoa n reitaki ma am bangke ke naake tabeia katauraoan am card ngkana iai ae ko taku bwa e a tia n imanonoiko bwa ko na tibwai rongorongon am bwai ni kabwaka mwane.
- Tuoa n taainako ma te platform ae ko kabongana ibukin taian updates ao patches. Ngkana ko tuangaki bwa a tauraoi, kabonganai n te tai ae waekoa bwa a iri ma bwaai aika ko kainanoi ibukin kamanoam.
- Taraia raoi bwa a mwakuri ao man tia ni kabouaki am antivirus/antispyware software ao am firewall.
- Logout n taainako man am tareboon ae e video ke e audio ngkana ko a tia. Kainan am browser e kona n aki katoka am maroro bon irouna.
- Ko riai n ataia ae kabonganakin bwaai aikai e kainanoa rokon te iti n am bwai n itoman. Ngkana e mate te iti, ao e bane baeteren am bwai n itoman ke iai riki am kanganga ma am bwai n itoman, ko na aki kona n tareboon ke n tarebooniaki, n ikotaki ma tareboon aika a rang kataweaki.