Ibukina bwa e rang mwaiti te botanaomata online aika ko aki ata tabuaiakaia ao n akean raumean ao tararuan taian maroro, e kakawaki bwa ko na atai kanganga aika a kona n reke man kabonganan taian ruu ni maroro aikai ao e na kanga arom ni kaitarai.
Taian kanganga
- Kaitibo ma taeka n ioawa, n tangako, a rang riaon ae e aki riai ke a kakaokoroaia aomata, ke mwakuri aika a kamatauninga ao taian anua ni kairiribai.
- Aomata aika ko kaitibo ma ngaiia n taian ruu ni maroro tao bon taian cyber stalkers (taan karaoa te mwakuri ni kamwane iaon te internet), ke a na kataia ni kakamakuko ke ni kumeiko, n taumatoaiko bwa ko na ibita am iango ke ni kan karaoa te mwakuri n tangako.
- A kona roro n rikirake ao ataei ni kamwaneaki n taian maroro aika a aki riai irouia ikawai aika a buakaka kanoan aia iango.
- N tabetai e kona n reke te urarake ngkana ko kaitibo ma tibwatibwa ao namakin aika a kabonganai taeka aika a rang tangbuaka, e ataaki n arana ae ‘flaming’. Aio e kona ni karika te mwengabuaka n te tai ni maroro irouia kaain te ruu ni maroro ni kabane.
- Kamwaneakia aomata tabeman n te ruu ni maroro bwa a na kaoti rongorongoia ke rongorongon aia mwane inanon te ruu ni maroro ke iaon taian website aika a kewe.
Maroro raoi n te aro ae mano
- Taratara raoi bwa antai ae ko na onimakinna online ao uringnga are iai tabeman ‘raoraom’ aika ko aki atai tabuaiakaia.
- Karabai rongorongom ngkana ko karaoa am profile ke ko maroro online (aram, am tabo ni maeka, nambwan am tareboon, nambwan am mobile, am email, tamneim) e ngae ngkana a titirakiniko aomata.
- Uringa are ko kona n otinako n totokoi waaki aika a aki riai, ke ko ibita aram.
- Tai tabwara n tukiia aomata aika ko aki kan maroro ma ngaia.
- Iango imwain ae ko kaekai maroro aika a roko iroum.
- Tai kabongana oin aram – ma kabongana aram ni kamona (ma tiaki are e na manga katikitika te iango ae e kairua).
- Buokia raraom ngkana ko taku bwa a reke n te kanganga.
- Reireiniko ni kawakina katotongan am maroro – aio are e kona ni manga bongana ngkana iai te bwai ae ko kan ribotinna.
- Ribotinia aomata aika a urui tuan te maroro nakon te rabwata are e karaoa te ruu ni maroro.
- Taratara raoi ngkana ko kaitibo ma te aomata ae ko bon ti rereitaki ma ngaia online. Tuanga temanna kain am utu ke raoraom ao kataia ni kairia – riki n tain te moan kaitibo. Katibo ao tiku n te tabo ae nneia te botanaomata. Uota am tareboon ao kamaeua n taai nako. Tai manging. Tararuai raoi am bwai.