Ataei a rang n kakan ataibwai… bon irian rikirakeia ao wanawanaia. Ngkana e a tia natim n noori mwakuri n tangako i aon te intanete, kabwarabwara ae bon ti ibukia ikawai ao tiaki ataei, ao uaia ni kakaei tabeua websites aika a kukurei iai, ao n bootau ma aia ririki. Kaungaia bwa a na titiraki.
Ngkana ataei aika a ikawai riki aika iai oin aia intanete, a moana n karaoi tein anua man te intanete aika a kararaoma, moantai ni maroro ma ngaia i aon mwaitin te tai ae a kakabanea i aon websites ao maroroakini naba kanganga riki tabeua aika a kona n reke.
Iai kanganga aika a kona n reke irouia aine ao mwane bwa mwakuri n tangako ake a nonori i aon te intanete, a taraia bwa bon te bwai ae kakaraoaki. E kakawaki bwa ko na tuangia ae tiaki arona aei, ao ko kona ikarekarekea ma te maroro i aon te iraorao.
Ko na aki mama ni maroroakini bwaai aikai ma natim, bwa bon aio mwangan katauraoaia imwain ae a roko n te roro n rikirake ao n ikawai.
Totokoan kanganga n bwai n rabakau
N ikotaki naba ma am maroro ae e katoa tai ma natim, iai bwaai ibukin totokoan kanganga aika ko kona n kabonganai:
Aia bwai n tararua kaaro i aon am kombuta ke bwaai n itoman
A kabonakoaki angiin kombiuta ao bwai n itoman nakoia aomata ao n iri ma bwaina ibukim ngkoe te karo bwa ko na kabonganai n raumeai bwaai aika ko aki tangiria bwa e noori natim (ke taan kabonganai bwai n itoman). Tools aikai a kona n reke n te control panel i aon te kombiuta ke n aia setting bwaai n itoman riki tabeua. Ngkana ko nanououa ibukin kabonganakin tools aikai, karekea buokam i aon te intanete ke ongora n te titoa are ko boobwai iai.
Software ibukin aia Tararua Kaaro ae ko kona n kaboa ke n download
E mwaiti rinanin nako taian software ibukin aia tararua kaaro aika a tauraoi ibukin te kombiuta ao bwai n itoman. Rinea teuana mai buakon kambwana aika a bubura ao a kinaaki, ao wareki taekaia irouia aomata are a tia n kabonganai.
A kona n kabonganaki ibukin raumeakin bwaai aika a aki raraoi n aron mwakuri tangako ao n ioawa, bwa e na totokoia am ataei bwa a na aki noori bwaai aika a aki raraoi ao man kamatauninga. Iai tabeua aika a kariaia bwa ko na karaoi profiles aika a kakaokoro ngkana iai natim aika a kakaokoro aia ririki ao a kakabongana te kombiuta ke bwai n itoman riki tabeua.
N tabetai, a kona raumea aikai n manga riao ke n uarereke aia totoko ngaia are e aki kona natim n kauki websites aika a bon raoiroi ibukia, ke n tabetai ao a manga kona n noori pages aika a aki botau ma aia ririki. Angina a kariaia bwa ko na kona n totokoi ke n aki totokoi taian sites bwa ko aonga ni korakora riki am tararua.
A kariaia tabeua software ibukin aia tararua kaaro bwa ko na kona n noori mwin aia mwakuri natim i aon te intanete, ao n noori websites ake a tia n kawarii ao maniia n online. Iai tabeua ae a kona n anganiko te ribooti iaon aia waaki n itoman natim i aon te intanete.
Iai tabeua programs aika a kariaia bwa ko na taina aia mwakuri natim i aon te intanete – n tukiia man kabonganakin te intanete, ke websites tabeua n taai ake ko rinei. Ngaia are ko kona n totokoa kabonganakin taian taabo n reitaki ke n kakakibotu i aon te intanete n taai are e na riai iai natim ni karaoa ana bwai n reirei.
Ko kona n kauka te software man kabonganan te login n ibitii taian raumea ao kaini ke kauki te websites, ngkana e a tabe n ikawairake natim. N aron software ni kabane, e rang n kakawaki ae ko na kakaboua am software ngkana e roko te kauring iroum.
Ana Parental Controls te Internet Service Provider
A mwaiti internet service providers (ISPs) aika a anga naba te software ibukin aia tararua kaaro – n aron te software ae ko kabooa, e kona naba n totokoi bwaai aika a aki raraoi. A kona aia customers tabeua ISPs ni kabonganai bwaai n tararua aika n akea boona.
Tabeua mobile networks a anga naba te software ibukin aia tararua kaaro n akea boona. Tabeua a bon karaoi naba bon irouia. Ngkana ko aki koaua, ke iai riki am titiraki ke tabeaiangam, reitaki ma am mobile operator ibukin buokam.
Tabeua bwai n itoman aika a kona n toma ma te intanete n aron bwai n takakaro ae iai aia software ibukin aia tararua kaaro ae ko kona ngkoe te karo ni kamaiua ao ni kabongana.
Iai tabeua on demand services man ana channels te Television aika a katauraoi taian roka ibukia kaaro ae iai aia password bwa e na buokiko ni totokoa natim man norakin tamnei aika a aki bootau ma aia ririki.