Kanganga
E kona n rotaki am kombiuta n te ransomware n aron te CryptoLocker ke WannaCry ngkana tiaki nanom ni kan:
- Kauka te attachment n te email ae e kona ni karekea te kanganga.
- Kauka te link ae buakaka n te email, rongorongo aika a
kataweaki, te tabo n reitaki, ke tabeua riki website.
- Kawaran te website ae buakaka – angin te tai iai tamnein te bwaitingako i aoia.
- Kauki files aika a tia n rotaki man kambwana aika a karaoa te web-based digital file delivery (n aron HighTail – arana mai mwaina YouSendIt, ao Dropbox).
- Kauki macro aika a buakaka n taian application documents n
aron word-processing spreadsheets etc).
- Katomai bwaai aika a toma n te USB ae a rotaki (n aron memory sticks, external hard drives, MP3 players).
- Karinakin CDs/DVDs aika a buakaka i aon am kombiuta.
Totokoan te Ransomware
- Tai kaekai ke kauki links aika a iri ma emails aika a aki tangiraki ke spam emails man kambwana ke aomata aika ko aki kinaia.
- Ti nakon websites aika ko ataia bwa a kinaaki.
- Kakaboua am software ao apps n taainako – n ikotaki ma operating systems – n te tai ae e waekoa.
- Taraia raoi bwa a mwakuri ao ni kabouaki am internet security software ao firewall imwain ae ko kabongana te intanete.
- Karaoa te backup n taainako ibukin am data ni kabane, ao ni kaeweaki naba nakon te bwai ae e toma ma te USB ao e kawakinaki i tinanikun am kombiuta. E karaoaki aio ibukina bwa tabeua ransomware a kona naba n ninia am tabo ni kawakin bwai n te cloud.
Ngkana iai te ramsomware i aon am kombiuta
- Ngkana ko na kakaea ao n kamaunai ransomware ao software aika a buakaka aika a tia ni karinaki n am kombiuta, kamaiua te full system scan ma te security software ae e botau ao n tia ni kabouaki.
- Ngkana e a tia n rokanaki am kombiuta n te ransomware, karekea te buoka mai irouia taan rabakau aika a onimakinaki.
- Uringnga ae e ngae ngke e a tia ni kabwakaki te mwane nakoia taan ioawa, e burenibwai ae a na kauki files.
Ngkana ko a tia ni kabwaka te mwane ibukin kaukan taian files
- Ribotina te kanganga ae e riki nakoia bureitiman.