Kanganga
- Ko na kakai konaaki n te ororake e ngae ngke ko a tia n kabane mwane i aon taian ororake, ibukina bwa e kaukaki nakoia aomata aika a mwaiti, ni ikotaki ma kaain aaba tabeua.
- Karawata am ororake ao ko aki ataia ae e a rang mwaiti am mwane ae ko kabanea.
- Kabonganakin te bwai n ororake ae e bon raraka bon irouna, aio are e a kananaua te takakaro ao n kauna riki nanoia taan ororake bwa a na tikunako riki.
- Kanganga aika a irekereke ma te network ao aika a technical, a kona n karimwia te ororake inanon te tai ae e rang n kakawaki, riki ngkai a mwaiti taan takakaro man aaba aika a kakaokoro.
- Ko aki kona n noora aia kawai n ororake nake tabeman.
- Reken bwaai iroum ae a kaokoro ma ana kabwarabwara te tia katanoata.
- Aki rokon am bwai aika ko moanna iai n te ororake.
- Kimoakin rongorongo ibukin kinaakim man te penny auction ao a kabonganaki ibukin te mwakuri n iraa.
- Kimoakin rongorongom ao rongrongon am mwane ao a kabonganaki ibukin te mwakuri n iraa.
- Emails aika a kamwamwane, aika a taraa n roko man websites ibukin te penny auction ke te kabwaka mwane inaon te intanete ma ngaia tiaki bwa bon mai irouia taan ioawa aika a kataia ni kairiko nakon te website ae e kewe bwa a na ana rongorongom aika a kakawaki n aron am login details ibukin am account n kabwaka mwane i aon te intanete.
Kabonganakin te Penny Auctions n te aron ae e Mano
- Tarataraiko man websites aika kona n mwantiaka ao man kamwamwane. Noori aia rongorongo aomata ibukia i aon te intanete bwa ko aonga n ataia ngkana iai kanganga aika a kaitibo ma ngaai.
- Ko na ataia raoi bwa tera te bwai ko a karekerekeko iai: ibukina bwa ko kabwaka mwane ibukin te ororake, e kuri riki n titebo ana websites te penny auction ma taabo n takakaro n te mwane, nakon are bon taian websites n ororake aika e bon tatane te aba iai. A kona websites aikai n anga aia boo – aika a manga bobuaka riki nakon are e kantaningaki ngkana a ikotaki ni kabane mwane n te ororake.
- Ko na ataa inaomatam ae ngkoe te tia kabooi bwai. Ko bae ni kona ni manga kaoka te bwai are ko kabooa ngkana ko aki nanoraoi iai, e aki mwakuri nakon are ko kantaningaia ke e aki botau ma ana kabwarabwara te tia bobwai .
- Tuoa n taainako ana bororaoi (terms and conditions) te tia kabonakoi bwaai, n noora tokin taina n totokoi itaberara.
- Uringnga ae ko kona naba n aki kariaiakaki bwa ko na kaokii bwaai ti bukin ae ko a manga aki tangiri.
- Wareka n tainako koroboki aika a man uarereke ni kaotako raoi imwain ae ko tiaina te boraraoi (terms and conditions).
Ao uringnga n taainako …
- Kamanenai passwords aika a kanganga. Tai kakaota am password n te penny auction ke online payment nakon temanna.
- Ngkana ko taku bwa e a tia n niniaki am account ibukin te penny auction ke online payment, waekoa n kakaea buokam. Nora ana page n ibuobuoki te website i aon te intanete.
- Taratara raoi imwain ae ko kotoi taian links n taian email aika a roko n akea am atatai. Te katoto, e raoiroi riki ae ko karina ana website address am bangke n am browser, ke ko kabongana te bookmark are ko a tia ni karaoia n nakon te address ae e eti.
- Ngkana ko bobwai n te payment card, uringnga ae e mano riki te credit card nakon taian kabwaka mwane riki ake tabeua ibukin te mwakuri n iraa, boraraoi ao ngkana e aki roko am bwai.
- Ngkana ko kobongana te tabo ni kabwaka mwane i aon te intanete ke te card ibukin am bobwai, taraia bwa e mano raoi te link ae ko na kabongana, man karaoan aanga aika uoua:
- E na riai n iai kanikinaean te roka n ana frame te browser window, ae e oti ngkana ko kataia ni log in ke n register. Taraia raoi bwa e aki mena te roka i aon te page n ti ngaia… aio e kona ni kaotia bwa te website ae e kamwamwane.
- E na riai ni moanaki te web address ma ‘https://’. E tei te ‘s’ e tei ibukin te ‘mano’.
- E oti i eta bwa e mano te link imarenam ao te tia bwaibwai n te website, ma e aki kaotaki bwa e bon koaua te website anne. Ko na riai ni karaua raoi n tuoa te address n kakaea buren te koroboki, ke taeka aika a raka, ao tabeua riki bwaai aika a kairua.
- Log out n taainako man taian websites aika ko a tia n log in ke n register iai. E aki tau ti kainakin am browser ibukin kamanoan rongorongom aika a kakawaki.
- Kawakini am rititi.
- Tuoa raoi mwiin am credit card ao am bangke imwin am bobwai bwa ko aonga n kakoaua ae e anaaki te mwaiti ni mwane ae e eti, ao akea te mwakuri n iraa ae e a tia ni karaoaki imwin karaoan te bobwai.
- Taraia raoi bwa e mwakuri ao e a tia ni kabouaki am antivirus/antispyware software ao e maiu am firewall imwain ae ko online.
Ngkana ko taku bwai iai ae e a tia ni karaoa te mwakuri n iraa nakoim:
Ribotinna nakoia bureitiman.