- Katea tiaia natim, riki ngkai a uarereke … akea buren ae ko moantaai n tiatiana mwaitin te tai ae a na kabanea i aon te kombiuta.
- Taraia raoi bwa a na aki kakai reke irouia bwaai n itoman n aron tareboon, tablet ke laptop. Karaoi aia passwords/PINS ao n kawakini raoi iroum.
- Kabonganai aia bwai n tararua kaaro i aon aia kombiuta ao aia bwai n itoman riki tabeua natim, ae e bootau ma aia ririki, ao ti kariaia norakin bwaai aika a tau ibukin roroia. Ngkana ko aki ataa aron karaoan aio, titirakinia am koraki ke raoraom aika a bwaati riki ni kabonganai bwai n rabakau. Ke, karekea buokam mai irouia taan rabakau.
- Kaboa ke download te software ibukin aia tararua kaaro, kamaiua ao kakaboua.
- A mwaiti aekakina aika a kakaboaki, ao a kakaokoro aia mwakuri ao booia ae moa man ae e aki kaboaki.
- Iai tabeua Internet Service Providers (ISPs) aika a anganako aia bwai n tararua kaaro nakoia aia customers ae e aki kaboaki ao man kona ni kamaiuaki te tai are ko tauraoi iai. Noori ao kabonganai ngkai a aki kaboaki.
- Kaboa ke download taian apps, bwaai n takakaro, TV i aon te intanete ao birim aika a bootau ma roron natim.
- Ko riai n tuoi raoi imwain ae ko kariaia natim bwa e na kabonganai ke n mataku iai.
- Tuangia tibuia natim, taan tobwaia ao aia karo raraon natim am tua ibukin kabonganakin bwai n rabakau bwa a aonga n ataa te bwai ae a na karaoia ngkana a tararuaia natim.
- Ngkana ko kabongana te WiFi ibukia te botanaomata – n aekakin are n taian cafés ke utero – uringnga are a kona n aki kabonganai parental controls. Ko aki ataia ae ngke ko a kariaia natim bwa e na takakaro n am tareboon ke tablet inanon am tai n mooi kobee ao ngaia e a reke rinia inanon bwaai aika a riai n aki noori, ke a kona n kaoti rongorongo aika a aki riai n ataaki.
- Ngkana iai te kombiuta ke te tablet n te mwenga, karaoa te homepage ae e toma ma te website ae e raoiroi ibukia ataei.
English
