- Kabonganai aanga n tararua ibukia kaaro i aon aia kombiuta ao bwai n itoman riki tabeua natim, ae e bootau ma aia ririki, ao ti kariaia kaukakin bwaai aika a tau ibukin natim.
- Kaboa ke download te software ibukin aia tararua kaaro, kamaiua ao kakaboua.
- A mwaiti aekakina aika a kakaboaki, ao a kakaokoro aia mwakuri ao booia ae moa man ae e aki kaboaki.
- Iai tabeua Internet Service Providers (ISPs) aika a anganako aia bwai n tararua kaaro nakoia aia customers ae e aki kaboaki ao man kona ni kamaiuaki n te tai are ko tauraoi iai. Noori ao kamateraoia ngkai a aki kaboaki.
- Boraraoi ma natim iaon taian websites aika a kariakaki n kawarii ao rongorongoia aika a riai n aki kaotaki i aon te intanete, n aron aran aia reirei ao aia tabo n maeka.
- Taua raoi tain kabonganan te intanete ao bwaai n takakaro.
- Tara raoi natim bwa e ti kona ni kauki bwaai aika a bootau ma ana ririki man tuoan te ririki ae e katauaki iaon bwaai n takakaro, TV i aon te intanete, birim ao apps.
- Maroro ma natim ake a ikawai riki bwa tera ae a na riai n kaoti ke n aki kaoti nakoia karimwiia n te intanete, mobile devices, bwaai n takakaro ao tabeua riki bwai n itoman.
- Maroro ma kaaro tabeman i aon bwaai aika a bongana n aron iraua te ririki ae ko kona n kabooa iai aia bwai n itoman aika a kona n toma ma te intanete.
- Tai iira nanon natim bwa ko na kariaia bwa e na kona ni kabonganai tabeua bwai n rabakau ke n noori bwain te intanete, ngkana ko taku bwa e tuai raoi n ikawai ke n wanawana…e ngae ngkana a imanonoiko ke tera ae a tia n kariaia aia karo raraoia.
English
