Oin raoi katokakin revenge porn online bon te anga ni karekekai imwin katinakuakim ke aki kubarakim ke te karekekai ibukin babaire aika tabeitera. E ngae ngke akea te tua ae matoa ao ni baiti iaon aio, angia mwaane aika kakatokai revenge porn ao angia aine aika kakatokaki tamneia.
N tai tabetai, e kabonganaki te revenge porn ibukin te blackmail (taumatoakia aomata n te aro n ioawa ao ni kakamaku bwa ana karaoi mwakuri ae ko taumatoaia bwa ana karaoi), n irianaki ma te kakamaku bwa tamnei aikai ana katokaki online ke ngkana a kaman toka online ao ana aki karuoaki ni karokoa e kabwaka te mwane te aomata are toka tamneina ke e kariaia bwa e na manga reitinako te reitaki.
Iai teniua taabo aika kabonganaki ibukin tibwakin tamnei aikai:
- Taabo n reitaki online. Twitter ao Facebook a kamatoai riki aia tua iaon revenge porn ao ibukia aomata aika katokai tamnei aikai.
- Websites aika a bon onoti ibukin revenge porn ao te reitaki iaona.
- Te reitaki n te message nakon te aomata ae taketenaki ao aomata tabeman rinanon te email ao te text.
Taian Kanganga
- Raom/bum ae koa tia ni mainako mangaia (ke te aomata temanna) e katokai ke tibwai tamnei aika aki raraoi online bwa e na karika te rawawata, te mama ao riki te bwainrang nakoim.
- Taketenakim ibukin te karekemwane ao te waki ni ioawa ao ni kakamaku ibukin karaoan mwakuri ae ko tuangaki.
- Ngkana ngkoe ae ko kakaraoa te waki ae te revenge porn, iai te kantaninga bwa:
- Kona katuaeakaki ibukin karaoan waki aika a urua te tua, ma te katautau nakon uoua te ririki ni kabureaki.
- Rotakin te aomata ae taketenaki n te rawawata ae korakora ike e kona ni manga karika rikin kabuanibwai nakoia ma aia utu.
Uringa n tainako bwa e ngae ngke e nang nakoraoi am reitaki ma raom ke bum, e kona ni manga reke te bitaki ao tamnei ma videos are ea tia n raweaki n ami tai n reitaki a kona ni manga tibwaki ma aomata tabeman.
Ngkana ko a tia n reke n te mwakuri ni ioawa aio
- Tai kaeka taian waaki ni kakamaku aikai (blackmail threats).
- Riboti nakoia bureitiman.
- Ngkana a kaoti tamnei iaon te website ke taabo n reitaki online, riboti taian tamnei aikai nakon te site anne, tu ngia bwa ana karuoi ao ana buraokina te tia katoka tamnei.
- Tai mama ke bwainrang n riboti te revenge porn, bwa ni karaoan aio ao ko aki ti buokiko bwa ko buokia naba tabemwang aika a rinanon naba aio.