Taian kanganga
- Aomata aika akea kariaiakaia – n ikotaki ma taan ioawa – e reke angaia n rinnako man kabongana am account n te bangke imwin kunean ke te kamanenanti n am login.
- E reke rongorongom ma mwin am karaimwane ke am bwakamwane ngkana te Wi-Fi ae ko kabongana e aki mano raoi.
- ‘Shoulder surfing’ – a mamataku aomata n te bwai ae ko karaoia online, iaon tabon angam ke rinanon te CCTV.
- Buan ke kimoakin am mobile device, ae kona n iai ke ni karekei anga aika bebete n rinnako inanon am account n te bangke ao rongorongom aika kakawaki.
- Ko mwamwanaki nakon taian websites aika kewe ke ko download taian app iaon te bangke ae kewe.
- Ko butiaki bwa ko na kaoti rongorongom aika kakawaki nakoia taan tareboniko are a taku bwa taetae man am bangke ke ngaiia bureitiman, ao a tuangko bwa iai te kanganga nakon am account.
Te mobile banking ae mano (Safe mobile banking)
- Taraia raoi bwa am smartphone ke am tablet e mano raoi ma ana PIN ae kanganga ketinakina. Tai kaota am PIN nakon temanna, ke ni koroia ke ni kawakinna n te tabo ae kai kuneaki.
- N aron te online banking ma n te kaombiuta, rinea, kabongana ao kawakina raoi ao tararua am password ao taeka aika ko na uring.
- Tararua raoi am device bwa ko na aki katikua n akea ngkoe irarikina, ke ni katikua ke ni kawakinna n te tabo ae aki mano raoi. Download te tracking app n te aro are ko na kona ni kamauna am data, ke ni kamaiua ngkana bon iai n am device.
- Update n tainako te banking ao taian apps ake a mena iaon am device.
- Log out ke otinako raoi man am banking app ke mobile website ngkana e toki kabonganana.
- Kainan te app ke te web page ke kamatean am device e aki tau ibukin kainana.
- Tai kabonganai Wi-Fi aika aki mano ke ni kawakinaki ibukin am banking, am bobwai ke tuoan am email. N ana tabo te botanaomata, e rang kanganga atakin te hotspot bwa e mano ke e aki, ngaia are e raoiroi riki bwa ko na aki kabongana. E raoiroi riki kabongan te internet n toma ma te 3G ke 4G e ngae ngkana e birimere.
- Taratara raoi ngkana ko download taian app: kakoaua raoi bwa bon taian titoa ni koaua ao tuoi naba bwa tera ae a taku aomata ibukina. E rang n tiraua kamwane iaon te banking apps ae buti ngkai, riki iaon te Android device ae a kona naba n download man taian app titoa n aika kinaki.
- Download, kabongana ao kawakina teuana ma ibuakon tabeua internet security apps n am device.
- Tuoa am device bwa e na rang mano raoi.
- Tuoa am app ibukin te mobile app e a tia n anganaki te kariaia ibukin kamanoana (security). Taraia n taekana n te website bwa e kanga ni karaoaki. Ke tuoi naba taian taetae iaon te app i online.
- Wareka raoi ana terms ao conditions am bangke ibukin te mobile banking.
- Ko riai n atai tabem ao taben am bangke.
- Iaon te app, kakaea te option ao kabongana ibukin te text message ae na kanakoaki ni katoa te tai e karaoaki te mwakuri n am account. Aio e na kona n tuangko ngkana iai te mwakuri ni kimoa nakon am account n te tai are karaoaki iai.
- Tarataraiko naba man taian email, text ke tarebon n roko iroum bwa aongkoa man te bangke ke bureitiman bwa iai te kanganga nakon am account ao a tuatua am login ke rongorongom aika kakawaki. Am bangke ke taabo aika raoiroi, aki kona n tuangko aikai.
Ngkana ko a tia ni kimoaki ke ni karaoaki te mwakuri ae kawain te kimoa nakoim
- Reitaki ma am bangke n te tai ae waekoa
- Ribotinna nakoia bureitiman.