Kanganga
N aron ae ko kona n nooria man te website aei, a mwaiti bwaai aika ko kona ni karaoi i aon te intanete, ma ngkana ko aki taratara raoi, ao a kona ni kabonganaki buaka irouia taan iraa. A kona n riki mwakuri ni kamwane ngkana ko kataia ni kabooi ke ni kabonakoi bwaai ke mwakuri, ke a kona ni kabongana nanom ni kan karekea am mwane n raka, ke kakaeakin raom. Iai ara pages aika a tabena kabwarabwaran arom bwa ko na kinai ao n totokoi waaki ni kamwane, ma aikai tabeua aia waaki aika a kakaraoi taan iraa ni kumei taabo ni kanako mwane ibukin kimoakin ana mwane te tia kanako mwane
- Kabwaka mwane ae moantaai / moan kabwaka mwane aika a kewe, a kona taan iraa n kewe bwa aongkoa a tei man kambwana ni katarau, a kabonganai bebwa, emails ao websites aika a tara ni koaua bwa aonga n onimakinaki, ao a tangiriko bwa ko na kabwaka moa ‘boona’ imwain ae a anganiko te mwane ni kataarau, ae akea rabwatana.
- Mwii n iiti aika a kewe, a kataia taan iraa ni kamwaneko bwa aongkoa e na reke nakoim taian karikirake ke mwii n iiti ngkana ko kabwaka mwane nakoia.
- Mwakuri ni kamwane n irekereke ma te mystery shopping, ike ko anganaki iai te cheque ao ko tuangaki bwa ko na kabongana n ‘ukera’ teuana te tabo ni kanako mwane. E aki butimwaeaki te cheque ao ko a bukintaeka ibukin kaboan mwiin te mwane nakon te bangke.
- Mwakuri ni kamwane n irekereke ma te kabwaka mwane ae e riao, ike te ‘tia bobwai’ e anganiko, te tia kabobwai, te cheque ae e taraa ni koaua ibukin te mwaiti ae e raka riki nakon are kam boraraoi iaona, ma kabwarabwan rakan te kabwaka mwane ao te bubuti bwa ko na kaoka te mwane n raka.
- Te kateirake n te mwakuri ae e kewe, ike ko anganaki iai te ‘mwakuri’ ke te mwakuri man te mwenga ae e riaon te kantaninga tamaroana. Ko anganaki te cheque ae e taraa ni koaua ibukin boon bwaai aika a kainanoaki ibukin te kateirake ao ko tuangaki bwa ko na kaoka nikaran te mwane, ke ko na kabwaka moa boon te kamwakuri ke karaoan te tutuo imwain te kateirake.
- Mwakuri ni kamwane n irekereke ma te takakaro n te mwane ao kanuanga, ke ko a tuangaki bwa ko na kabwaka te mwane ibukin boon karaoan te mwakuri ke taian taxes bwa ko aonga ni kona n anaa kanuangam – ke ko anganaki te cheque ke te money order ae akea aomatana, ma kabwarabwaran arom ni karina te mwane ao ni waekoa ni kaoka tabona, bwa boon karaoan te mwakuri ke taxes.
- Mwakuri ni kamwane n irekereke ma auti aika a tatangoaki, ike ko keweaki iai bwa ko na kanako mwane ibukin boon karekean te auti ae ko kan tangoia, ke ngkana ngkoe te tia bwaibwai n te auti – ko anganaki te cheque ae e kewe bwa boon kabaean te auti, ao e a kamaunaki te boraraoi ao ko a kaoka te mwane nakon ‘te tia maeka n te auti’.
- Mwakuri ni kamwane n irekereke ma taian kaa, ike ko keweaki iai bwa ko na kanako mwane ibukin boon tauan te kaa ae ko kan kaboa – ke ibukin ‘boon kanakoakina’ nakoim – ke ngkana ngkoe te tia kabonakoa te ka, ko anganaki te cheque ae e kewe bwa boon kabaean te ka, ao e a kamaunaaki te boraraoi ao ko a kaoka te mwane nakon te aomata ae aongkoa te ‘tia bobwai’.
- Mwakuri ni kamwane n irekereke ma kakoauan te kabwaka mwane, ike ko tuangaki iai iroun te aomata ae aon koa te tia bwaibwai n te auti ke te tia kabonakoa te kaa bwa ko na kanakoa te mwane nakon temanna kain am utu/raoraom ibukin kakoauan ae e tau boon tangoan te auti ke boon te kaa. A na tuangko bwa ko na angania katoton mwiin am kanako mwane ibukin te kakoaua, ao a manga anaa te mwane anne man kabonganan te ID ae e kewe n aran te aomata are e kanakoaki te mwane nakoina.
- Mwakuri ni kamwane n irekereke ma kabuanibwai / tiibu, ike a kewe iai taan iraa bwa aongkoa a aoraki, a kamwaruaki ke a kabureaki n akea aia bure ao a rang n kainanoa te mwane, ke a kewe bwa aongkoa ngaia tibuia kaara, ao a kainanoa te mwane.
- Mwakuri ni kamwane aika a irekereke ma ororake i aon te intanete, ngkana e tokanikai am ororake ao ko tuan aki bwa te te tia kabonakoi bwaai e tii butimwaei kabwaka mwane aika a karaoaki man te tabo ni kanako mwane n te ara ni kakekewe, are e na kona ni kabongana te ‘tia kabonakoi bwaai’ ibukin karaoan te ID ae e aki koaua ibukin anaakin te mwane. Ke teuana, tao ko bon aki tokanikai n te ororake, ma iai ae e reitaki nakoim n anganiko katoton te bwai are e aki reke iroum ao n tuangko bwa ko na kanakoa te mwane, ibukin bwaai aika bon akea rabwataia.
- Mwakuri ni kamwane n irekereke ma te kareke tangira, te bontaeka ao te iraorao, ngke e reke raom i aon te intanete ae te tia iraa ao e kamwaneko bwa ko na kanako mwane nakoina ibukin te kabuanibwai ae riki ke boon mwanangana ni kawariko.
Kabonganan Taabo ni Kanako Mwane
- Tai kanako mwane ibukin kabooan taian ‘taxes’ ke ‘boon karaoan te mwakuri’ n irekereke ma kanuanga n te takakaro ma te mwane.
- Tai kakabongana te titiraki ni kakoaua bwa bwain kamanoan am kanako mwane.
- Tai anga rongorongon am bangke nakoia aomata ke bitineti aikai ko aki kinaia.
- Tai rimoa ni kanako mwane ibukin reken am tangomwane ke credit card
- Tai rimoa ni kanako mwane ibukin kaboan mwiin ana mwane te tia kamwakuri.
- Tai rimoa ni kanako mwane ibukin te deposit ke tiaati aika a irekereke ma kabonakoakin ke kabooan te ka.
- Tai rimoa ni kanako mwane ibukin te deposit ke tiaati aika a irekereke ma reken am tabo ni maeka.
- Tai kanako mwane ibukin te kabuanibwai ae e riki n aki anaa raoi kakoauana.
- Tai kanako mwane man te cheque n am account ni karokoa e kariaiakaki – e kona n reke iraua te wiiki maanina.
- Tai kabonganai taabo ni kanako mwane ibukin te bobwai i aon te intanete.
- Tai kauki bwaai man, ke n taona te link n, te email ae ko aki tuatua karokoana iroum, ae aongkoa e roko man te tabo ni kanako mwane.
Ngkana ko a tia n rotaki n te mwakuri ni kamwane
Waekoa n tarebonia ana itabon te tabo ni kanako mwane i abam. Ngkana ko a tia ni kanakoa te mwane ma e tuai n anganaki te aomata are ko kanako mwane nakoina, ko bon bae n kona ni katoka te kanako mwane.
Rongorongo riki tabeua
Noora ana buoka ibukin kamanoaia taan bobwai te Western Union
Noora ana buoka ibukin kamanoaia taan bobwai te Moneygram