Taian emails aikai – angin te tai ao e koreaki n te broken ingriti ma spelling aika bure – a bon kanakoaki naba nakon emails aika bati, n akea raoi atakina bwa iai bwaai aika a mamatakuakinaki ke akea, ma anne e a bon kona naba ni karika te maaku ma te nako n nano, riki ngkana te aomata are e roko te email irouna e bon kakoaua te bwai are taekinaki ibukina. N tabeua emails ao e kona n taekina ke ni kaota am passwords, ae ti tebo bwa e a bon koaua riki aron aia kakamaku. E kona n reke te passwords rinanon butibutin aia login ma rongorongoia aomata ake a iraeaki inanon ninian data aika korakora mwaitia (customer login details). Man taian mwakuri n urubwai aikai, ao username ma password a bane ni kaoti iaon te list are a iokinibwaiaki rinanon networks. Ai ngaia are am password e bon aki anaki bwa tao mwin ae iai mwakuri ni kimoa ke e niniaki am kaombiuta ke am mobile irouia taan kan kimoa rongorongom (malware). E ngae n anne ao mwakuri aikai e bon kakorakora aron te mwakuri n ioawa, n te aro are aomata a bon kakoaua bwa a na kamwaneaki.
E ngae ngke taian email ni kewe man babakanikawai aki butimwaeaki man kariaiakaki, email riki ake a kakamakaki iai aomata a taraki bwa bon mwakuri n aki tangira aomata, n aron aei, e a kabuakakaki taekan te aomata ao n tokina, e kona n reke te kanganga n anuan te aomata ae bon raoiroi man riai.
Bwaninin taekan te email are e rereke ke n roroko iai katotona iaan taian kairiri ma katoto (tips) n te iteraniba aio.
Ngkana e reke iroum te blackmail video ae kabuakakako ibukin matakuakinan tamnei aika tangako ao bwaai riki tabeua
- Bon tai kabwaka te mwane n aron are e tangiraki ma iroum
- Bon tai kaeka (don’t reply)
- Tai kauki links ake a oti n te email
- Tai kanakoananom: uringa are aio te email ae tiraua kaaina ao am system tao e bon korakora ni kaitara te spyware.
- Ngkana teuana am password e bon eti raoi taekana inanon te email are roko iroum:
- Waekoa bita am password n te account are irekereke ma ngaia. Taiaoka uringa ara kauring iaon karaoan ao kabonganan te password ae kanganga atakina ao uringa naba bwa tiaki te oi n iango kabonganan teuana te password i aon am accounts aika bati. Ngkana ngaia bwa e kanganga uringan passwords aika bati, kata te password manager ni kabongana.
- Reitaki nakon te kambwana ke te website are e roko ma iai te email ao tuangia ae am password e kabonganaki n te aekaki aei bwa aonga ni karaoa te kakae iaona.
- Ngkai te email anne kanga te kawai nakon te kimoa ke te babakanikawai, ko kona n riboti nakoia bureitiman.
Aio raoi kanoan te email ngkana e roko iroum
“(Karekean ae bon oin am password) ae teuana ma ibuakon am password ao ngkai ti nang riai nakon raoi taekana. Ko bon aki kinai ma e ngae n anne ao ngai I rang kinako raoi ao ko na bon bae ni mimi bwa e aera ngkai e a roko iroum te email aio ke?
I karini malware (te software ae aia bwai taani kimoa n ninia nako am kaombiuta n anai rongorongom ma iai) iaon taian sex videos ao ko ataia bwa tera, ko nanakon raoi taian porn website akanne (tamnei n tangako online, titebo naba ma te sex videos) ni karekea kukureim ma iai, ao ngke ko tabe ni kakamwakura am browser ao e a riki naba bwa te RDP (Remote Desktop Protocol – te software ae kona n reitiko ma kaombiuta tabeua) are e a anganai naba te kona n nori baika ko karaoi . Imwin anne ao a reke naba irou am contacts ni kabane iaon messenger, facebook, ao te email.
Tera ae I tangiria?
Bon tekebuakam ngkai I kunei am kairua ma aroarom aikai. I bon anga riki tabeua au tai n aki kan kakaenako riki ibukim ao I a kamaenakoa uoua tein au rawerawe iaom. Te moan itera e kaota au rawerawe iaon matakum ao are te iterana e kaota arom iaon te web camera (ngke ko karaoi mwakuri ni kammaira). Ni bon arona, I kan kamaunai rongorongom aikai bwa ko aonga ni bon wakinako ma maium n akea am kanganga. Ao I kona naba ni mwakuriia bwa e na bon akea taekam ae otinako. Iai uoua baika a kona n riki n aron ae tao kona bakan aki tabe ma te email aio, ke ko na kabwaka nakoiu te mwaiti ni mwane ae $1000.
Tera ae ko kona ni karaoia?
Ti na karaua riki n tarai baika uoua aikai. Te moan anga bwa ko na aki tabe ma au message aio. Ko riai naba n ataia bwa tera ae kona n riki ngkana ko karaoa aio. I kona ni kanakoa taekam man au rawerawe iaom (video) nakoia kain am contact, n ikotaki ma am utu, raom ni mwakuri, ao ai nakoia aika bati. Te bwai ae N na karaoia aio e na bon aki kamanoko man te kamamaeaki ma kain mwengam ngkana e a ataki taekam irouia am utu ma raoraom riki te sextape are I kanakoa nakon aia inbox. E tamaroa riki ae ko anganai $1000. Ti ko na n arana aio bwa ara secret (ti imarenau ma ngkoe). Ngkana ko kariaia karaoan aei ao am secret e na bon tiku iroum n akea ae ataia. N na kamauna te sextape. Imwin kanakomaian te mwane, ao e na bon akea te kanganga, ko tiku n arom ma am utu ti tebo bwa akea te bwai ae riki. Ko na karaoa te bwakamwane rinanon Bitcoin (ngkana ko aki ata arona, search iaon google “how to buy bitcoin”)
Mwaitin te mwane ae ko na kabwaka: $1000
BTC ADDRESS: (long complex alphanumeric phrase quoted)
(It is cASe sensitive, copy and paste it carefully)
E kakawaki: I anganiko teuana te bong ibukin karaoan te bwakamwane (Iai au bwai ae I kona n ataia n te tai aei bwa ko a tia ni wareka te email aio). BON TAI TUANGIA aomata bwa tera bukina ngkai ko na kabongana te bitcoin rimwi ao a na aki kariaiako. Kabonganan te bitcoin e kona ae nakon te bongina ke uabong ngaia are kawaekoa. Ngkana e aki reke irou te BitCoins, ao N na bon kanakoa am sextape nakoia am contacts ni kabane n ikotaki ma am utu, raom ni mwakuri, ao a mwaiti riki ma ngkana ko kabwakamwane nakoiu ao N na urua te video are I raweia iaom n te tai ae waekoa. Ngkana ko kan kakoauai, ao kaekai ni kangai “eng” (yes) ao I a bon kanakoa naba am sextape nakoia 11 raoraom. I aki tangira te maroro iaon aio, tai kabanea au tai ao am tai n kaeka au email aio.”