Te anga ni kabwaka mwane aei – e boutokaki man te technology ae e ataaki n arana ae Near Field Communication (NFC) – e mwakuri man te kabonganakin te wireless chip ae e taui rongorongon ana card ni bobwai te aomata, aika a mena i aon te tareboon (e kinaaki man te kanikina ae e kaotaki n te page aei), ke i aon te card. E buokia taan kabongana te service aei ibukin karaoan te kabwaka mwane n te mwaiti ae e a tia ni katauaki n taian titoa, taabo ni kamwarake, ao tabeua riki taabo ni bobwai, man kabutan aia smartphone ke contactless card i aon te card reader, ao n aki riai ni karina aia card ke ni karina aia PIN. E kona naba ni kabonganaki te rabakau ae e boou aei ibukin kanakoakin katanoata ke rongorongo nakon taian tareboon aika iai aia NFC ngkana a rirarikin te card reader ke te katanoata n te titoa. E rang tabangaki kabonganan te NFC technology ibukin taian membership cards ao karinakim inanon taabo tabeua.
E ngae ngke e tawe ao e angaraoi kabonganakin te contactless payment, iai naba kanganga ma aron te kamanomano nakoia taan kabongana.
Kanganga
- Ko kona ni kabwaka boon ana bwai temanna n akea am atatai ngkana e mena am tareboon ke card ae iai ana
- NFC irarikin te contactless reader n te tai are e karaoaki te kabwaka mwane.
- Ko kabwaka mwane man am account ae e bure bwa e kuneaki am card ae e kaokoro iroun te card reader.
- E kimoaki rongorongon am mwane – ke e katotongaki am card – bwa e reke te wireless signal irouia taan iraa.
- E mwantiakaaki ke e ibitaki te rongorongo are e kanakoaki man am tareboon are iai ana NFC irouia aomata tabeman.
- E aki kona ni karaoaki te kabwaka mwane man am tareboon are iai ana NFC ibukina e a bane baterana.
- E aki kona ni karaoaki te kabwaka mwane man am tareboon are iai ana NFC ngkana e bua ke e kimoaki..
- Ko kona n aki kona ni bobwai i aban tinaniku ibukina bwa a kaokoro taian standards.
- A aki kamaunaaki raoi rongorongon am mwane ngkana ko karenakoa am tareboon are iai ana NFC.
- E kamaunaaki am NFC chip mai kiraroa man te mwakuri – ae karaoaki n tiaki te nano ke n te ioawa.
Kabonganakin Contactless Payments n te aro ae e mano
- Ngkana iai ana NFC am tareboon, taraia raoi bwa e roka n taainako ngkana e aki kabonganaaki, man kabongakin te PIN ae e ibibitaki ni katoa tai.
- Tatatara raoi bwa e na aki bua ke n uruaki am tareboon are iai ana NFC ibukina ae kanga ai bon am bwauti naba teuana.
- Kamanoi am contactless payment cards man kabonganakin taian nangoa ke bwauti bwa a aonga n aki kona ni kabonganaki irouia tabeman, ke ko kabonganai n tiaki nanom ni kabooi am bwai ke ana bwai temanna.
- Taraia raoi bwa ko wareka ao n ota n ana kainibaire am bangke bwa ko aonga n ataia raoi bwa antai tabena ngkana iai buren te kabwaka mwane ke e uruaki te bwai ni kamanomano.
- Tuoi n taainako mwiin am kabwaka mwane man am bangke bwa e aki anaaki am mwane man am account n akea am atatai ke am kariaia, ngkana e karaoaki n te nano ke tiaki te nano.
Ngkana iai am kanganga
Reitaki moa ma te bangke are tabena aei ke te tabo are e katauraoa am card.