Te software ae e mena n am kombiuta e na bae n iri ma:
Microsoft Products (e nako ma te Windows operating system ke e kaokoroaki ni kabooaki)
- Office (n aron Word, Excel, PowerPoint, Outlook)
- Media Player
- Publisher
- Project
Angin te tai ea kaman karinaaki (ngkana ko kabooa te kombiuta)
- Adobe Reader
- Adobe Flash
- Java
- Roxio Creator
Applications tabeua (ae ko bon karinna man te CD/DVD ke man te intanete)
- Printer drivers
- Accounts software
- Security software
- iTunes
N aekakin te Microsoft Windows operating system, taan iowawa n te intanete a kakaei kabwakan software tabeua ao a teimatoa ni kakaraoa aei ni ua e toki korakoran te software aei. Totokoan te waaki aio, a na katoatai taan karao software ni kakaraoi ana updates n taainako n aron te security updates ao te critical updates, are e na kamanoa man taian malware ao ninian te security. Tabeua rinanin updates a kaeta buren te software bwa e na katamaroa riki ana mwakuri, ao e aki irekereke ma te bwai n kamanomano.
Kanganga
Aki kabouakin am software e kona n karekei kanganga aika a bubura, ae e na roota am kombiuta ao am security. N aron aikai:
- Viruses, spyware ao malware riki tabeua.
- Ana mwakuri ni kamangao te Cyber-criminal (tia ioawa i aon te intanete.
- Te uruaki, te buraoki ao ai bon te aki raoi mwakuri.
Irarikin buokan taian kanganga n te security, taian software updates a karaoi n taainako katamaroa ao ana mwauri aika a boou.
Kamanoan am kombiuta
E na roko iroum te kauring mai irouia taan karaoa te software kanga ai aron te katanoata i aon am screen, bwa a tauraoi taian updates.
Ko na anganaki bwa ko na bon rineia ngkana ko kan download ao n karina te update ngkekei naba ke rimwi. Ara kaunganano bwa ko na download ao n install n te tai ae waekoa.
Tabeua software a tangiria bwa ko na manga kamaiua am kombiuta bwa e aonga ni bwanin te installation (karinana). Ko na manga anganaki riki nanom ngkana ko kan karaoia ngkai ke rimwi. Ti kaungako bwa ko na karaoia n te tai ae e waekoa.
Karaoan te download ibukin te software updates e aki katoka kabonganakin te antivirus, anti-spyware ao firewall software aika a tibwa otinako.