E ngae n anne, a rikirake ni mwaiti aomata aika a mwane n tickets aika a kewe i aon te intanete, a kabooa aia tikets aika a kewe, totokoaki riniia n te tabo ni kamataku ibukin aia ticket ae e kewe, ke kaotan rongorongon aia card nakoia taan iraea kinaakim ke taan mwakuri n iraa.
Kanganga
- Mwakuri n iraa aika a riki man karaoan kabwaka mwane i aon web pages aika a aki mano.
- Websites ibukin tickets aika a kewe – websites ao email aika a kewe a kabonakoi tickets aika akea rabwataia.
- Katanoata aika a kewe i aon aia tabo ni maroro taian fans – kabooan tickets aika akea rabwataia.
- Aki rokon tickets, karaai mwane nakon ana bank account te tia iraa.
- Reken tickets aika a aki titebo ma ana kabwarabwara te tia kabonakoa.
Te Kaboo Ticket ae e Mano
- Kabooa am tickets ti man aobitin te tabo are e na boo iai te kamataku, te promoter, te aomata ae e onimakinaki ke websites ni kaboo ticket aika a kinaki.
- Uringnga bwa e mano riki te kabobwai nte credit card nakon anga ni kabwaka mwane riki tabeua man makuri ni iraa, boraraoi ao aki nikirakin bwai.
- Kauoua tuoan rongorongon am tickets ni kabane imwain ae ko kabwaka boona.
- Tai kaekai emails mai irouia aomata aika a kabonakoi bwai ao ko aki kinaia.
- Imwain ae ko karina rongorongon am card i aon te website, taraia raoi bwa e mano te link, n aanga aika uoua:
- Ena riai n iai tamnein te roka i aon te browser window frame, ae e na oti ngkana ko kataia n log in ke n register. Nooria raoi bwa e aki ti mena te roka iaon te page … aio kanikinaean ae te website n iraa.
- E na riai n moanaki te web address ma ‘https://’. E tei te ‘s’ bukin ‘mano’.
- Katoto aika i eta a ti kaotia ae e mano te link imarenam ma te tia bwaibwai n te website, ma tiaki nanona bwa e a aki kewe te website. Ko na riai n taraa raoi te address ni kakaea buren koreana, te raka n taeka ao characters ao kairuana riki tabeua.
- Tabeua websites a manga kairiko nakon te tabo kabwaka mwane ae ko aki bobwai iai (n aron WorldPay).
- Taraia bwa a mano raoi websites aikai imwain ae ko karaoa am kabwaka mwane.
- Kawakina ao uringa am password are ko a tia rineia ibukin kamatoakin riki kinakim aika a kabonganaki iaon websites tabeua, n aron Verified by Visa.
- Ngkana ko a taku bwa ko nang kabooa am tickets mai iroun te aomata (te katoto, i aon te eBay), tai kanakoa te mwane nakon aia bank account ma kabongana te tabo ni kabwaka mwane ae e mano n aron PayPal, ike e karaaiaki iai te mwane imarenan uoua taian accounts.
- Noora ana kainibaire te seller i aon te privacy (kawakinan rongorongon te aomata) ao returns (kaokakin bwaai ngkana ko aki nanoraoi iai)
- Log out n taainako man websites aika ko a tia n karini rongorongon am log in ke register iai.
- E aki tau ti kainakin te browser ibukin kawakinan rongorongom aika a kakawaki.
- Kawakina am ritiiti.
- Tuoa raoi mwin te bobwai man credit card ke am bangke imwin kabooan te ticket n nooria raoi bwa e eti mwaitin te mwane are e anaaki man am account, ao akea te mwakuri n iraa ae e karaoaki imwin karaoan te kabobwai.
- Taraia raoi bwa e mwakuri raoi ao e tia ni kaboouaki am antivirus/antispyware software ao e maiu am firewall imwain ae ko online.