Naake a membwa n te Loyalty scheme a kona ni kaikoa aia credit nakon te mwaiti ae korakora inanon te tai ae bon tau ma e nakon naba bwa iraua ae a kabanea n aia bobwai ao ma antai. E ngae n anne ao te mwakuri aio e a manga riki bwa te takete irouia taani kimoa, ake a kona ni karaoi mwakuri aikai:
- Angia aomata a kabongana aia login ae titebo nakon aia loyalty card account ao nakon naba aia account ake tabeua, aio are kona ni karika te kanganga ngkana teuana ma ibuakon aia account e niniaki ke hacked.
- Angia nake a karaoa te scheme aei aki karaoa aron aia kamanomano (security) taian bangke.
E ngae n anne, ao ibukina bwa te scheme aio aki mwakuri ma rabwatan te mwane – angia aomata a taraia bwa te bonus ao e aki kona n reke nakoia ngke arona bwa aki karaoa te bobwai – e uarereke aia tararua nakon aia card ke aia account nakon aia tararua nakon aia account ma te bangke. Aio are karika riki bebeten te kimoa.
Taian kanganga
E tokarakinako am account, ke am loyalty scheme account, iai ae rinnako iai n akea kariaiakana, e riki aio man:
- Kabonganakin te login ae titebo (email address ao te password) ma teuana te account ae e a tia n niniaki ana data. E riki aio nakoia aomata ake a kaman kaina te loyalty scheme ma rimoa ngke e aki rang kakawaki kawakinan ma tararuan aron karaoan te password.
- Ko a tia ni mwamwanaki ke ni kekeweaki bwa ko na kaota ana serial number am loyalty card online ke iaon te tareboon ke bon nakon te aomata.
- Ngkana e bua am loyalty card, ke tao e kimoaki.
- Ngkana e katotongaki am card.
- Kabonganan ana loyalty app te third party (rabwata ake ko karaoi am bitineti ma ngaiia) are anai rongorongom n aron aram, am tabo ni maeka (address), tareboon nambwa, am bong ni bung ao rongorongon am bobwai. Apps aikai a kona n aki mano ke a kona ni karaoa te kimoa. N arona naba, taan mwakuri iaon te app a kona ni kaboanako am data nakoia rabwata tabeua ai ngaia are ko a onrake n te tareboniaki, taian email ao texts aika aki kakawaki.
Ko na kanga n totokoa kimoakin am loyalty card
- Kawakina raoi am loyalty card n aron am tararua nakon am card n te bangke ke te titoa. Uringa are bon teuana naba am bwai ae kakawaki.
- Tai kaota nambwan am card nakoia aomata ae ko aki koaua irouia ibukin am saving ke points. E kakaraoaki riki te waaki ni kimoa rinanon te email, tareboniam, te text ke te link n te social media ke waaki ni kauaba ae ko karinaki iai.
- Ngkana ko tareboniaki, e roko te txt ke te email ke anga riki n reitaki nakoim aongkoa mairouia nake tabeia te loyalty card, tarebonia te nambwa ane oti i akun te card ngkana iai raraomam.
- Tai katoka tamnein am loyalty card iaon social media.
- Karaoa am password ae kanganga atakina bwa e na kanganga aron kimoakina ao taraia bwa ko na aki katiteboa ma am loyalty card ke am accounts ake tabeua. Aio e kaineti nakon am online account ni kabane.
- Teimatoa n ononea am password – nakon ae rang kaokoro ane ko kabongana – rimwi ao am username/email ke password a kaoti iaon te list are a kimoaki iai taian login ao n tibwaki imarenaia taan kimoa.
- Otinako (Log out) n tainako man am loyalty card website ngkana ko tia ni bobwai ke n tuoa am balance.
- Ngkana ko a ti kaina naba te page ke te app, e na aki tau ibukin kainana.
- Ko na aki karina am login ke tabeua rongorongom n te third-party loyalty apps, n taekana teuana bon koraki ake aki mwakuri ni kaineti nakon teuana te loyalty scheme ma a bon mwakuri ibon irouia. Taani mwakuri ni koaua akea rekerekeia ma taian apps aika kewe, ngaia are aki kabaeaki ibukin te privacy ao ana tua te cookies. Ngkana iai raraomam, titiraki nakoia taan mwakuri n te loyalty scheme.
Ibuobuoki riki tabeua
- Tuoa n tainako am balance n am points online ke n te titoa.
- Ngkana e a tia ni kimoaki am loyalty card, ribotinna nakon te tia mwakuri n te loyalty scheme n te tai ae waekoa rinanon aia contact iaon aia website.