Angin taian Linux distributions aika a boou a iri ma tabeua bwaai ni kamanomao (kabouan software/service i bon irouia, tauan mwin bwaai aika a riki, tararuan te rin ao ana mwakuri te firewall), aika a kamaiuaki bon irouia bwa mwangan ana mwakuri te Linux. A na riai aomata aika a katauraoa te Linux workstation n iai otaia ae e tau i aon ana operating system te Linux, ao ngkana e kainanoaki a na karekea riki buokaia (n aron man ana website te Linux distribution ae kinaaki, ana taabo ni maroro te Linux n te intanete aika a kinaki ke taabo n reitaki aika a mano ibukin ana te Linux distribution ae e kabonganaki).
Kanganga
Kanganga man Anuaia Aomata
- A mwaiti kanganga n aron te mwakuri n iraa, emails aika a kewe, spam ao kimoakin kinakin temanna aika a irekereke ma taan kabongana te Linux n ai aroia naba taan kabonganai operating systems ake tabeua.
- Babaire aika a aki raoiroi n aron kabonganan passwords aika a kai ataaki ke akea passwords aika a kabonganaki, e aki tauaki mwiin bwaai aika a riki ao e bure aron katauraoan te Linux software.
Kanganga n te Bwai n Rabakau
- A kona n rikirake kanganga n te Linux workstation ngkana a karaoaki mwakuri aika a aki riai ao kaukan taian network ports aika a kai rotaki.
- Aki kabouan ana software ao ana mwakuri te Linux n te tai ae e waekoa, moarara riki ngkana a tanoata kabwaka aikai.
- Karaoan mwakuri aika a aki mano, n aron kabonganan te system i aon te intanete ae e bon tii katauaki ibukin te network inanoa.
Kanganga n te Mwakuri n Ioawa
- Social engineering, iraean rongorongo aika a kakawaki.
- Spam, Trojans, botnets, back doors, viruses, rootkits.
- Urubwai man katokan te mwakuri
- Karikirakean iaomatan te tia kabongana te kombiuta n akean te kariaia.
Tararuan Rongorongom ao am Workstation (Kombiuta)
Moanna
- Karekea te Linux operating system software (n aron taian binaries, setup files ao patches) man taabo aika a onimakinaki, kakaonimaki ao a rang ni kinaaki, n aron te Linux distribution CD/DVD ke te Linux distribution website aika a koaua.
- Karaoa te Linux workstation file systems n te aro ae a mwaiti ana partitions (n aron kabongan te fdisk (ke aekana) ibukin karaoan te root partition ae e okoro, bitan nnena, binary files ao nnen aia file taian users).
- Tuoa raoi bwa a bon koaua ni kabane taian software ibukin te Linux operating system imwain karinakia (n aron kakoauan aia digital signatures ao/ke mwaitin ana checksum).
- Totokoa te rin bwa te priviledged user n aron te root. Ma kabongana te user account ae e aki priviledged n rin ao kabongana te su command ni karaoi ana mwakuri te administrator.
- Katoka bwain te autorun (ke aekana) ibukin totokoan rinin te media bon irouna.
- Karaoi user accounts bwa a na kona n rokana te session imwin te tai n aki kakamwakuri ae e a tia ni katauaki (n aron 15 te miniti).
- Kateimatoa kakabouakin te Linux build (te katoto, tuoa n taainako taian updates ao patches ibukin te operating system ao taian applications ni kabane).
Katauraoan taian Services ao Users
- Kamateake totokoi mwakuri ao taian start-up scripts aika a aki bongana (n ikotaki ma bwaai aika a irekereke ma te Bluetooth, te USB, wireless networking ao te infrared).
- Tai kabonganai Administraton programs n aron rlogin, telnet, tftp, ftp, rsh ao rexec, ma kabongana te login mai kiraroa ae mano, burokuraem ibukin kamwaingan te file ao ana burokuraem te shell n aron sftp, scp ao ssh.
- Kanakoi user accounts ao kurubu aika a aki bongana (n aron te guest account), ao taraia raoi bwa a na riai ni kakoauaki raoi user accounts ni kabane (te katoto, kabonganan te password) imwain ae a kona rin n te Linux workstation.
- Kabonganaipasswords aika a kanganga ibukia user accounts ni kabane i aon te Linux workstation (te katoto, waniua mwaitin te man mai i nano, aika renganaki ma taian reta aika a bubura, uarereke, man aika alphanumeric ao aika a kaokoro).
- Ibukin kamanoan taian Linux workstations, a kainanoaki naba karaoan mwakuri n aron ake a karaoaki ibukia kombiuta ni kabane e ngae ngke a kakaokoro aia operating system ae a kabonganai, n aron Microsoft Windows ao Apple Mac OS X (katoto tabeua, kawakinan te boot sequence, karaoan te kariaia ibukin kabonganan files, katauraoan tauan mwiin bwaai aika a riki, karaoan taian backups ao tararuan files ke mwakuri aika a kararaoma).
- Aomataaika a kainanoa riki te ibuobuoki i aon kamanoan taian Linux workstations (n aron taian firewalls, totokoan te virus, te encryption ibukin te disk ao te file, kamanoan te email, katauraoan ana browser te website, ao te software ibukin te backup) a kona ni karekea buokaia iroun te tia rabakau ke botaki ni mwakuri aika a boboto rabakauia i aon te Linux ao kamanoan te Linux.