E kamanoko te firewall mai irouia:
- Taan ninia (hackers) am kombiuta.
- Worms (mwata) – rinanin taian viruses aika a ewewe man teuana te kombiuta nakon teuana rinanon te intanete.
- Tabeua outgoing traffic (data aika a otinako man am kombiuta) aika a reke man ana mwakuri te virus.
Tera te bwai ae e AKI karaoia te firewall:
E aki tau korakoran te firewall n ti ngaia ibukin te kamanomano, ma e kona ni karaoa te moan totoko. Ko na riai naba ni kabonganai aanga n totoko riki tabeua aika a kabwarabwaraki n te website aei. Ma e ngae n anne, iai tokin korakoran ana kamanomano ke bon akea ana kamanomano te firewall:
- Ngkana ko a tia n anga te kariaia bwa a na kona n toma kombiuta tabeua nakon am bwai n itoman.
- Ngkana e mate mwina, tiringaki ke iai nnen te tabo ibukin te katomatoma.
- Angiia viruses.
- Spam.
- Karinakin (installations) te spyware.
- Rinanin te mwakuri n iraa ke n ioawa i aon te intanete.
- Ngkana ko a tia ke e a tia te virus ni karaoa te ‘mataroa ni karaba’ n te firewall.
- Aomata aika a kona n rin n am kombiuta ke am network.
- A karinaki data n te kombiuta ao tiaki rinanon te intanete, n aron bwaai n itoman aika iai aia USB, te CD/DVD ao a mwaiti riki.
- Urubwai imwin ninian te network.
- Traffic ae e tara n ae bon te koaua.
E ngae n anne, bon akea mai ibuakon aika i eta ae e na tukiko bwa ko na AKI karina te firewall, ibukina bwa e aki tau te firewall n tii ngaia ibukin te kamanomano ae e bwanin.
E raoiroi riki ae ko katautaua bwa te service provider n am intanete e AKI katauraoa te firewall, ngaia are taraia raoi bwa e na reke am software ae moan te tamaroa ibukin kamanoam.
Rinanin taian firewalls
Oin am firewalls
A riai ni karinaki oin am firewalls i aon kombiuta ni kabane aika a toma ma te intanete bwa a na tararua (ao n totokoa, ngkana e riai) te traffic i aon te intanete. A kinaaki n tabetai bwa ‘software firewalls’ ke ‘desktop firewalls’.
Te Windows Firewall bon te firewall ae e raoiroi ibukim. E aki kaboaki, ao e airi ma ana operating systems te Windows. E bon maiu irouna te Firewall n te Windows 8, Windows 7 ao te Vista, ngaia are ko riai n aki raraoma ibukin kamaiuana.
Ko kona n onea mwin te Windows Firewall ma bon oin am firewall ae ko rineia, n ikotaki ma tabeua ake a rin ibuakon ana packages tabeua te internet security, ke te firewall software are bon ti ngaia ae e kona n anaaki man te intanete, ae iai ibuakoia aika a aki kaboaki.
Hardware firewalls
A na bae ni kainanoa te hardware firewall taian bitineti aika a tau buburaia ao aika a bubura – n ikotaki ma bon oin am firewalls – are e a nakon tein aia IT infrastructure. A kona taan ibuobuoki iaon te IT n am bitineti ke mai itinaniku n anga aia taeka n rabakau, ni karekea, ni karina ao n karaoa raoi te hardware firewall ae te kabanea n tamaroa ibukin kainnanon am bitineti.
Taraia bwa e maiu mwiin am Windows Firewall
N te Windows 8 ao Windows 7, nakon Control Panel, rinea System and Security, ao imwina ko rinea Windows Firewall. E oti ana state te Windows Firewall i aan Home ke work (private) networks.
N te Windows Vista, nakon Control Panel, rinea Security, ao imwina ko rinea Windows Firewall. E na oti ana state te Windows Firewall.
N te Windows XP, nakon Control Panel, rinea Security Center. E na oti ana state te Windows Firewall.