Ko ataia bwa tera taian websites ae a kabonganai natim? Ko ataia bwa a kanga ni mwakuri, tera ae a kona n atongi ke karaoi natim ma aomata ake a ‘reitaki’ ma ngaia? Te bwai riki ae kakawaki, ko atai kanganga aika a kona n riki nakoia ataei ngkana a kabonganai sites aikai?
Ngkana:
- Te maroro ma aomata ae a taku bwa ‘raoraoia’ aika a boou, ma ngaia a bon iangoa kamwaneaia.
- Tibwakin ao norakin tamnei aika a aki riai ke aia tamnei ikawai ke bwaai riki tabeua.
- Aomata are a tia n karaoaki te mwakuri n ioawa nakoia ke a kai rotaki n mwakuri n ioawa riki tabeua.
- A kakaewenakoaki bwa a na karaoi mwakuri aika a kakamaku ao n aki riai, i matan te kai n rawe tamnei.
- A kaotaki rongorongo aika a onoti ibukiia, raoraoia ke aia utu. Ke karekea te tai ni kaitibo ma te aomata ae a tibwa kina i aon te intanete, ao e a tia te aomata anne ni kewe n riki bwa te temanna.
Aikai tabeua websites aika a kakabonganaki aika ko bae n nonoria natim ni kabonganai. Ko kona n noori riki rongorongon taabo n reitaki aika a tabangaki n aron te Facebook ao Twitter, ikai.
Angiia websites aikai a kabongana te live video bwa aia anga n reitaki, ke a kabongana tibwatibwakin tamnei. Aio are e a kauka kawaia aomata n tibwai tamnei aika a aki raraoi.
A rawata aika iai aia ‘tua’ n aron te ririki mai i nano ae e katauaki ibukin te rin, ke aekan kanoana ke tamnei aika a kariakaki members n tibwai. E boboto te moan karinrin i aon onimakinaia aomata bwa a na kaota te koaua, ma ni bon etina, ao e rang n bebete irouia ataei bwa a na kewe bwa aongkoa a ikawai. Ao a rang kakai uruakaki tuua i aon bwaai aika a kona n tibwaaki.
Taiaoka n wareki taian buoka n mwakoron te Safeguarding Children n te website aei, ibukin arom n kamanoia natim i aon te intanete – n irekereke ma aia tareboon ao tablets.
Snapchat
Te Snapchat bon te app ae e rang n kinaaki ibukin tibwatibwakin tamnei i aon bwaai n itoman ae te Apple ao te Android, ae e kariaia taan kabongana ni katokai aia tamnei inanon tabeua te teekan imwain ae a ‘bua’. Ma te aomata are e reke te tamnei irouna e kona n rawea katotongana man te screen shot, ke iai apps aika a boou ae a bon kawakini naba tamnei n aki screenshot. E a tia n rang kabuakakaki te website ibukin ae e rang n bebete iai kamwaneakia ataei. Te ririki ae e katauaki ibukin kabonganakin te website aei bon 13, ma e bon mwaiti aika a uarereke riki aika a kabongana.
Instagram bon te tabo n reitaki ae e bwaibwai iai Facebook ao e kabonganaki ibukin tibwaakin te tamnei ao te video. A kona n katokaaki iai tamnei tii man te bwai n itoman – tiaki te kombiuta. E rang kabuakakaki te Instagram ibukin ae e a riki bwa te tabo ae e rang kabonganaki iai taetae aika kamatauninga ao ni kaunun ao a tibwaaki naba iai tamneia ataei ae e karaoaki te mwakuri n tangako nakoia. Te ririki ae e katauaki ibukin kabonganakin te website aei bon 13, ma e bon mwaiti aika a uarereke riki aika a kabongana.
TikTok
TikTok bon te app n te iOS ao te Android ae e kabonganaki ibukin karaoakin ao tibwaakin taian rawerawe aika a kimototo i aon kabonganan te lip-sync, tamnein te kakamanga, kaoti tarena. Ibukina bwa a kona n noori bwai aika a aki raraoi, ao a kabonganai kuuna aika a kinaki ae iai te taetae buaka iai, e aki katauaki te app aio ibukia ataei.
Ask.fm
I aon te Ask.fm, a kona taan kabongana aika a aki kaoti araia n titirakinia raoia ake tabeman. Are nanona bwa a kona n taetae n aki akaka n akea te rekenikai bwa are akea ae e kona ni kinaia. E a tia te mwakuri n ioawa i aon te website aei n rotiia ataei, n te aro are a bakabureia. A tia n taku taan bwaibwai n te website aei bwa a na karina te bwatin ibukin ‘ribotini mwakuri n ioawa’, karaoan te registration aika a raka ao kateirakeaia tabeman riki taan mwakuri bwa taan ibuobuoki n tararua.
Yik Yak
“Akea te profile, akea te password, a bane ni karabaaki rongorongoia aomata”, aio ana katanoata te app aio nakoia te botanaomata. E karaoaki ibukin karekean r ngorongo aika a boou ao katanoata inanon kaawa ao taabo n reirei. E a kinaaki te app aei bwa ai te bwai n ioawa i aon te intanete, ao e a tia n katokaki kabonganakina n angia reirei n te UK ao te US.
Habbo
Habbo (arana ae bwanin Habbo Hotel) – bon te tabo n reitaki i aon te intanete ae e taketeniia ataei ae tebwitabun aia ririki, e ngae ngke ti ataia ae e kabonganaki irouia ataei ae waniua aia ririki. E a tia naba n riki bwa oin te tabeaianga ibukin kabonganakin rongorongo aika a tangako.
Shots of me (ke bon ti Shots)
Te app ae e kona ni kabonganaki irouia aomata ibukin rawean ao katokakin selfies, ngaia are bon ti kabonganaki te camera are i moan am tareboon. E a tia n riki te Shots bwa oin te tabeaianga ibukin tibwaakin tamnei aika a aki raraoi ao man kona n karekea te mwakuri n ioawa ao ni kareke mwane n te aro ae e aki riai.
Omegle
Ana kibuntaeka Omegle bon “Reitaki ma aomata aika ko aki ataa tabuaiakaia”, e rang n matata ikai ae a karekeia (ao bon ngkoe) n te kanganga ae mwaiti.
Chatroulette
I aon te ChatRoulette, a aki ataia ataei bwa antai ae a reitaki ma ngaia, e katawea reken te tabeaianga.
N na anganiko teuana te kabootau nakon mwaitin taabo ni maroro aika a kona n roko iai ataei n boong aikai, aikai ti tabeua aika a tia n rineaki aika titebo ma ChatRoulette, ae e kabongana te webcam ao ana camera te tareboon. Iai ae ko kinai ibuakon aikai?
iMeetzu
SpinnerChat
WebcamBam
Cam Random Chat
HollerChat
RandomSkip
CoolStreamz
Swagcams
SpeedyCams
Bazoocam
Omegle
Chatroulette
Tinychat
Camzap
Chatrandom
Facebuzz
Quierochat
Streamberry
Chatpig
Chattino
Camfrog
Hehechat
Rounds
Chatville
Funyo
Paltalk
Webcamnow
Flipchat
VideochatUS
RouletteChat
Dirtyroulette
Chatxroulette
Lollichat
Chatrad
321 Chat
Chatbazaar
Wireclub
Chat Avenue
Wocchat
Airtime