Taian Kanganga
- Charity sites aika a kewe – bon akea te websites ae kewe ibukin te Charity ma a kaoti websites ni kimoa aikai ngkana iai kanganga nakon te botanaomata (tao n aron te rongo ke te mwaeiei n te aba).
- Email ni kewe ao ni kareke rongorongo – taian email a roko iroum bwa a iangoa ae ko na angania taekan am bangke ao am passwords (bank details).
- E reke te kimoa man karaoan bwakamwane iaon te web page ae aki manoraoi.
- Kimoakin rongorongom e riki man taian viruses ke spyware, are e a reke angaia taan kimoa n rinnako inanon am bank account ao rongorongom riki ake a kawakinaki inanon am kaombiuta.
Te bwaintangira ae mano
Atakin ae ko karaoa te bwaintangira n te aro ae mano:
- Taibina ana website te charity bwa ko aonga n rinnako i nanon te website nakon ae ko a kauka naba te link man te email. Tuoa te web address online ibukin te Charity ae ko na nako iai ke bon tarebonia ana tabo te Charity.
- Imwain ae ko bwaintangira te Charity n te mwane, taraia raoi bwa te website e bon mano. E na bae n iai tamnein te roka (padlock) n te browser ngkana ko na kataia n log in ke n register. Taraia raoi bwa te roka e aki mena iaon te page – e kona n ae te site ni kimoa. Te web address e na riai ni moanaki ma ‘https://’. Te ‘s’ e tei ibukin ‘secure’ ke e ‘mano’.
- Ngkana e roko iroum te email man charities ae ko tuai man ongongo taekaia ma imwaina ke akea am reitaki ma ngaiia, tai kaeka ao tai kauka te link. Kamaunai.
- Tai kaeka nakon bubuti ibukin te bwaintangira (donation) rinanon taabo ni kanako mwane n aron te Western Union ke MoneyGram, kai aio te anga ae okioki ibukin te kimoa ma te kewe.
- Bon taraia raoi bwa te charity e bon eti raoi imwain ae ko kaota rongorongom ma rongorongon am debit/credit card ke online banking. Te verified Visa ao American Express SafeKey schemes a bane ni kamanoi taian debit/credit card ngkana ko kabonganai.
- Ko kona naba ni bwaintangira ni boutokai taian karikirake ma irouia aomata rinanon aia websites ma e kakawaki ae ko wareware ke nori moa aia reviews ke tera ae a taku aomata ibukia.
- Ngkana ko teimatoa n raraoma, charity aika bon koaua a na bon kukurei n tuangko anga ni bwaintangira rinanon aia website ke rinanon te tareboon.
- Ngkana ko taku bwa ko a tia n anganako rongorongon am account nakoia taani kewe ke taan kimoa iaon te charity, reitaki nakon am bangke n te tai ae waekoa.