E tabuaki man te tua karaoan ma kabonakoan bwaai aika katotongaki ke ni kaeweaki. E ngae n anne ao kaboan bwaai aikai e aki tabuaki, e ngae ngkana ko bon ataia. Ma e bon rang rawata riki bukina ngkai ko bon riai n aki karaoa te bobwai.
Taian kanganga
- Ni bon arona, ao bon akea raoiroin bwaai ake a karaoaki n te kewe nakon are oi ni kakaraoi ao a bon aki kona n tikiraoi naba n aron kunikai aki kona n roko raoi ke n tau, ao baika maiu man te iti a bon aki naba kona ni mwakuri raoi n aron are kantaningaki bwa a kakai uruaki.
- Kaboan bwaai aika karaoaki n te kewe a kona ni karekea te kanganga nakoim (ke nakoia tabeman). Kakaraoi ni kewe iaon baika maiu n te iti a bon aki tuoaki raoi n aron are bon oi ni bwai ike a kona ni karika te tiaoki ke te urarake. Kaboiarara aika tenaan kewe ma bwaai ni katikiraoi ibukia aine a bon aki naba tuoaki raoi ao a kona ni korakora te boitin iai.
- Tabeua websites ake a katanoatai ma ni kabonakoi bwaai ake a karaoaki man te kewe a bon aki raoiroi n te kabonganaki bwa a kona ni manga kimoai rongorongom inanon am tai ni bobwai ke a kona ni manga rinnako inanon am kaombiuta bwaai n ira ake a na urua am bwai.
- Kaboan bwaai ni kewe a urua nakoraoin te bitineti ma taan karao bwai ibukin oinibwai ao mwakuriraoia taan mwakuri. E kauarerekea naba mwaitin te mwane nakon rikiraken abara.
- Tabeua bwaai aika karaoaki n te kewe a karaoaki rinanon kamwakuraia aomata n te ioawa (slave labour).
- Kawain kabonakoan bwaai aika karaoaki man te kewe e bon irekereke ma boutokan mwakuri n aki ako n aron te kimoa irouia aomata, kamwakuraia aomata n te ioawa ke te terrorism.
- Rongorongo ake ko karin inanon aia website taan kabonakoi bwaai ni kewe a kona ni kabonganaki buaka irouia taan karaoi mwakuri aika bubuaka n aron ae a manga karaoi websites aika kewe ao a kamenako bwa te te tia bwaibwai ngkoe.
- Kabonganan te trademark n akea ana kariaia te tia bwaibwai ibukin karaoan ao kabonakoan bwaai ibukin te karekemwane bon te bure ae rawawata n ikotaki ma tuua aika matoatoa ke te kabureaki.
Ngkana ko kaririaki ni kan kabooi bwaai aika kewe karaoaia
- E ngae ngkana e a rang kan reke iroum te bwai ae ko tangiria, bon tai kan kataia naba ni kaboa te aekaki anne ae kewe karaoana, ibukin bukina aika a kaotaki i eta.
Taian anga n totokoi kaboan bwaai aika kewe karaoaia
- Kaboi bwaai ti man taabo ni bobwai aika ko kakoauai bwa a raraoi man am ataibwai ke ko tuangaki. Wareware naba ibukin taabo ni bobwai akanne ao tera ae a taku te koraki.
- Tuoa raoi te koroboki iaon te website ma taian spelling – n ikotaki naba ma te spelling iaon ana address te website. Taani kimoa a rang rabakau ni karaoi bitaki nakon te address ni mwamwanaia te koraki bwa a na kakoauaki bwa oi ni bwai. E raoiroi riki ngkana ko bon taibina aran te address ngkana ko bon ataia bwa eti.
- Ngkana ko bobwai n ana site te tabo n ororake, tuoa raoi aran te tia kaboinakoi bwaai ao taian comments iaona.
- Tataraiko naba man taian katanoata ibukin bwaai iaon ana site te social media ke rinanon te text message.
- Tuoa naba bwa te tia kabonakoi bwaai iai ana postal address ma tiaki ti te mailbox ke te email address.
- Tuoa naba bwa iai te policy iaon kaokakin bwaai ke te guarantee.
- Angia taan iokinibwai aika aki ako akea aikai irouia.
- Ngkana iai baika a bon rang bobuaka ao a kateaki booia n te boo ae uarereke, titirakiniko bwa e aera ngkai e riki aei.
- Tuoa naba bwa te page ibukin te bwakamwane (payment) e mano – wareware iaon te advice ae tia n taekinaki
- Tai karaoa te bank transfer ibukin am bobwai, te bubuti ibukin karaoan te bobwai n aron aio e kaotia ae te kewe, ao am bangke e aki kabaeaki bwa e na kaboa mwin am mwane.