Kanganga
- Mwakuri n iraa aika a riki man karaoan kabwaka mwane n taian web pages aika a aki mano.
- Mwakuri n iraa aika a riki man kabonganan te katomatoma nakon te Wi-Fi ae e aki mano ibukin te kabwaka mwane.
- Taabo ni bobwai n te intanete aika a kamwamwane – websites ao email aika a kamwaneko bwa ko na kabooi bwaai ao mwakuri aika akea rabwataia.
- Kaboan bwaai aika a kewe ni bon nanom ke n tiaki nanom – ko kunea bwa a aki raraoi ao a manga kona ni boutoka mwanenakin waaki riki n ioawa.
- Buan am mwane imwin ae ko kanako mwane nakon aia bank account tabeman, ao ko a kunea bwa ngaia bwaai aika ko kabooi a aki raraoi ke bon akea rabwataia.
- Reken bwaai ke mwakuri aika a aki bootau ma ana kabwarabwara te tia katanoata.
- Ko anganaki katauboo aika a kaineti ma rongorongo aika a anaaki irouia tabo ni bobwai man anuam ni bobwai n te intanete ao taian websites aika ko a tia n roko iai.
Te Bobwai ae e Mano
- Taraia raoi bwa a onimakinaki taabo ni bobwai n te intanete aika ko aki raoi kinai man karaoan am kakae i aoia. Karekea aia address ao nambwan aia tareboon ae a kona n reke iai. Uringnga bwa reken te tabo ni bobwai ae onimakinaki, bon man ana taeka n ibuobuoki temanna ae e onimakinaki.
- Uringnga ae e mano riki te bobwai man n te credit card nakon aanga ni kabwaka mwane riki tabeua, ibukin te mwakuri n iraa, boraraoi, ao ngkana e aki roko am bwai.
- Tarai riki rongorongon am boobwai imwain ae ko kabwaka boona.
- Tai kaboi emails aika ko aki tuatua ao a roko man kambwana aika ko aki kinai.
- Imwain ae ko karini rongorongon am card n te website, taraia raoi bwa e mano te link, man karaoan aanga aika uoua aikai:
- E na riai n iai kanikinaean te roka n ana frame te browser window, ae e oti ngkana ko kataia n log in ke n register. Taraia raoi bwa e aki mena te roka i aon te page n ti ngaia … aio e kona ni kaotia bwa te website ae e kamwamwane.
- E na riai ni moanaki te web address ma ‘https://’. E tei te ‘s’ e tei ibukin te ‘mano’.
- E oti i eta bwa e mano te link imarenam ao te tia bwaibwai n te website, ma e aki kaotaki bwa e bon koaua te website anne. Ko na riai ni karaua raoi n tuoa te address n kakaea buren te koroboki, ke taeka aika a raka, ao tabeua riki bwaai aika a kairua.
- Tabeua websites a manga kairiko nakon te tabo kabwaka mwane ae ko aki bobwai iai (n aron WorldPay).
- Taraia bwa a mano raoi websites aikai imwain ae ko karaoa am kabwaka mwane.
- Tai kabooi bwaai ngkana ko kabongana te Wi-Fi connection ae e aki mano.
- Kawakina ao uringa am password are ko a tia rineia ibukin kamatoakin riki kinakim aika a kabonganaki iaon websites tabeua, n aron Verified by Visa.
- Ngkana ko karaoa te kabwaka mwane nakon temanna, tai kanakoa te mwane nakon aia bank account ma kabongana te tabo ni kabwaka mwane ae e mano n aron PayPal, ike e karaiaki iai te mwane imarenan taian account iaon te intanete.
- Noora ana kainibaire te seller i aon te privacy (kawakinan rongorongon te aomata) ao returns (kaokakin bwaai ngkana ko aki nanoraoi iai).
- Log out n taainako man websites aika ko a tia n karini rongorongon am login ke n register iai.
- E aki tau ti kainakin te browser ibukin kawakinan rongorongom aika a kakawaki.
- Kawakina am ritiiti.
- Tuoa raoi mwin te bobwai man am credit card ke am bangke imwin te bobwai n nooria raoi bwa e eti mwaitin te mwane are e anaaki man am account, ao akea te mwakuri n iraa ae e karaoaki imwin karaoan te kabobwai.
- Taraia raoi bwa e mwakuri raoi ao e tia ni kaboouaki am antivirus/antispyware software ao e maiu am firewall imwain ae ko online.
- Ngkana ko kona, tuoa ngkana boon ana bwai te tia kabobwai ae e oti i aon am browser, e titebo ma are e mwakoro naba n aia browser tabeman, aio e na kona ni buokiko n ataia ngkana ko aki tarataraaki ao n tiatinaki riki n ae e raka.
Ngkana ko taku bwa ko a tia ni kamwaneaki n te mwakuri n iraa
Ribotina nakoia bureitiman.