Angin te tai e karaba n anaaki (downloaded) taian RATs man te buroukuraem ae ko download – n aron te takakaro – ke e kairaki n te email ae e kanakoaki nakoim. A kona ni karaoi mwakuri aika a titebo ma ana mwakuri te software ae e bon onimakinaki. E kona ni kanganga norakia RATS ibukina bwa a aki rang kaokaoti i aon burokuraem ke mwakuri aika ko kabonganai, ao ko aki naba kona n namakina mwin aia mwakuri n urubwai nakon ami bwai n itoman.
E a rang kakabonganaki taian RATs ibukin kamwakuran taian webcams, ma te botoniango raoi bwa a na kabonganaki rawerawe ke tamnei ibukin te blackmail ke waaki aika a aki riai.
Kanganga
- Ko tirotiroaki (n ikotaki ma rawean tamneim) rinanon am webcam. N tabetai, e karaoaki ao e aki maiu tauran te camera, bwa ko aonga n aki ataia ae ko tirotiroaki.
- E tauaki mwiin am mwakuri i aon te intanete (n aron taian websites aika ko kawari, antai ae ko reitaki nakoina n te email, tera ae ko koreia).
- Reken rongorongo aika a taburoroko irouia tabeman – n ikotaki ma rongorongon am account n am bangke ao taian buoka nakoim man te tautaeka.
- E kabonganaki bwa mwangan ana mwakuri te botnet ibukin kabutan taian viruses ao tabeua riki malware.
- Karaoan te bitaki nakon ana drives am kombiuta.
- Kamaunakin, anakin ke bitakin am files ao file systems.
Aron Totokoan te Ratting
- Taraia raoi bwa a mwakuri ao man tia ni kabouaki am antivirus/antispyware software ao firewall n te tai are ko kamaiua iai am kombiuta ke am bwai n itoman.
- Tai mwane n anai burokuraem ke apps aika a aki roko man te tabo ae e onimakinaki, ibukina bwa a kona n iri ma taian RATs ao tabeua riki malware.
- Download kabouan am buroukuraem ao apps ngkana e roko te kauring … bwa a iri ma karaoan te kamanomano n taainako.
- Taraa raoi taian links n te email aika ko na kotei – a kona naba ni karaoi mwakuri ni kamwane.
- Taratarai raoi imwain ae ko kauki bwaai aika a iri ma taian emails, e ngae ngkana ko taku bwa a roko mai irouia aomata aika ko kinaia.
- Totokoa kabonganakin website aika a kananououa ao te torrent downloading. Downloads aikai, a aki tii urua te tua ma a kauka naba te kawai ibukin te mwakuri n ioawa aei.
- Rabuna am webcam ngkana ko aki kabongana, e ngae ngke e toma ma te kombiuta ke e kanimwaki ma am bwai n itoman.
Ngkana ko taku bwa ko a tia n tirotiroaki rinanon am webcam
Ribotinna nakoia bureitiman n am tabo.