A reke ooi raoi n kanganga man reitakia natim ma te aomata ae a aki ataa tabuaiakana ae tao e ririmwia, mwakuri n ioawa aika a karaoaki i aon te intanete irouia aomata aika a aki ataa tabuaiakaia ke aomata aika a bon kinaia, a kamwaneaki man karaoan te download ke te toma nakon bwaai aika a aki koaua, ao iraeakin kinakin temanna man kaotakin rongorongoia i aon profiles ao posts. E ngae ngke ko taku bwa e aki kona n riki, ma e bon kona natim ni karaoa te mwakuri n ioawa ke n taetaekini bwaai aika aki raraoi nakoia tabeman, ao ai tiaki ngaia te takete.
Reireina natim bwa e na taratara raoi ngkana e a reke raoraona ao e na tii reitaki ma aomata aika e onimakinia ao ni kinaia. Tuangia ae kaotan rongorongoia n aekakin aia bong n bung, aia tabo n maeka, aran aia man ke aia tia reirei a kona n reke iroun temanna ae e kona n kabonganai ibukin karaoan te mwakuri buaka nakoia.
Reireinia bwa a na aki kotei links ke n download man websites aika a toma ma ngaia.
Ao reireiniia aron kabonganakin raoi passwords ao tabeua riki rongorongon te login. E rang kabuta ae e rang kai hacked aia page ataei, a ibitaki aia profile ibukin te waaki ni manikangare ke n ioawa, ke a koreaki taeka aika a kammaraki irouia tabeman i aan araia natim. E kona naba n riki aio ngkana a kitana aia kombiuta ke aia bwai n itoman ni kamaiua n aki otinako man te website.
Te bwai ae e rang kakawaki, tuangia bwa akea buren ae a kawariko ke temanna riki te ikawai ae e onimakinaki ngkana a namakinna bwa a kakamaakaki ke a mwengabuaka ibukin te bwai ae a tia n noria ke n karaoia i aon taabo n reitaki n te intanete.
Rongorongo ao buoka ni kabane aika i eta a irekereke naba ma bwaai n kanako rongorongo ae tawe.
Aikai tabeua rongorongon Facebook ao Twitter, uoua taabo ibukin te reitaki:
Facebook bon te tabo n reitaki i aon te intanete ae e rang n kinaaki n te aonnaba. A kabonganaki buoka ni kabane aika a mena iaan Te reitaki i aon te intanete & te rongorongo ae e tawe n irekereke ma te mwakuri n ioawa nakon temanna, ririmwian temanna n akean ana atatai, te kamwane, katokakin bwaai aika a kamatauninga, iraeakin rongorongon temanna ao te rin n ana bwai temanna n akean te kariaia.
Maroroakini titiraki aika ma natim:
- Ko kinaia raoraom?
- Antai ae kona n noora am post i aon te Facebook?
- Tararuai raoi bwaai ake ko katokai i aon te intanete
- Aekakira taraakin am Profile?
- Ko bwaati ni kabongana ‘Graph Search’?
- Ko na kanga n tararuai bitaki i aon ‘Hidden from timeline’?
- Ko kanga ni kabongana te list are a mwakoro iai araia raoraom?
- Ko bwaati n kamaunaa am account?
Twitter bon te tabo n reitaki i aon te intanete ae e kariaia taan kabongana bwa a na tibwai ao n wareki messages aika a kimototo ke ‘tweets’. E riaon 500 te mirion n te aonnaba aomata aika a tia ni kaaina te twitter ao teuana mai buakon tebwina websites aika a rang kakawaraki, ao man rikirake kakabonganakina irouia roronrikirake. Bwaai aika a kakawaki bwa ko na taratarai ao n tuangia natim bon taian tweets aika a kamatauninga ao n ioawa, ao a na aki taoni links bwa a kona ni kewe.
Ibukin bwaninin rongorongon aron kabonganakin taabo n reitaki i aon te intanete, te rongorongo ae e tawe ao ruu ni maroro n te aro ae e mano, taona ikai.